Daniel 3:12 - Tedim Bible Revision 2017

¹² Babylon gam a khen liante a uk dingin na koih Shadrak, Meshak le Abednego a kici Jew mi pawl khat a om uh hi. Amaute in kumpipaʼ thupiakna a mang kei uh hi. Amaute in na pasian bia nuam loin, na milim koih mai ah a kun nuam kei uh hi,” a ci uh hi.

Tedim Bible

¹² Babilon gam khawk uk dinga na koih Shadrak, Meshak, leh Abednego kici Judah mi pawlkhat a om uh hi. Amaute in kumpipa’ thupiakna a mang kei uh hi. Amaute in na pasiante bia nuam loin, na milim koih mai-ah a kun nuam kei uh hi,” a ci uh hi.

Daniel 3:12 Referans Kwoze

Daniel 6:13

Tua ciangin amaute in kumpipa kiangah, “Judah gam panin a hong pai Jew mi salte khat ahi Daniel in kumpipa hong zahtak lo a, na thupiakna a mang nuam kei hi. Nisimin thum vei ta thu a ngen tawntung hi,” a ci uh hi.

Daniel 2:49

Kumpipa in Danielʼ ngetna mah bangin Shadrak, Meshak le Abednego-te Babylon gam khen tuamtuamte a uk dingin koih a, Daniel pen kumpi inn sungah a omsak hi.

Sawltak 17:7

Jason in a inn ah amaute tungsak hi. Amaute in gam khempeuh a uk Kumpipaʼ thu palsat uh a, Jesu kici kumpi dang khat om hi, ci-in gen uh hi,” ci-in a awng gawp uh hi.

Paunak 27:4

Hehna le sinsona siahuai a, ahi zongin hazatna siahuai zaw lai hi.

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.

Thuhilh-sia 4:4

Mi khatlekhat, hauh nop man a kidemna hangin nakpi tak a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Esther 3:8

Tua ciangin Haman in Kumpipa Ahasuerasʼ kiangah, “Na ukna gam tuamtuam sunga om mite lakah a om kawikawi, amau a tuam om mi pawl khat om hi. Amauʼ ngeinate pen midangte aʼ tawh kibang lo a, amaute in nangma thukhamte zui lo uh hi. Tua ahih manin hih mite na hici khah khong ding kilawm lo hi.

Daniel 1:7

Innsung maang lian pen pa in amaute min thak phuah a, Danielʼ min dingin Belteshazzar, Hananiahʼ min dingin Shadrak, Mishaelʼ min dingin Meshak, Azariahʼ min dingin Abednego a phuak hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babylon gam teng uksakin, Babylon mipil thudotte a ukpipa dingin a koih hi.

Daniel 3:11

Tua milim mai ah kun loin, a bia lo khempeuh mei phualpi sungah a kikhul ding ahi hi.

Daniel 3:16

Shadrak, Meshak le Abednego-te in Kumpi Nebukhadnezzar kiangah, “Kumpipa aw, hih thu kong dawng kei ding uh hi.

Daniel 3:29

“Tu-in minamkimte, minam tuamtuamte, pau nam tuamtuamte, mi khat peuhpeuh in Shadrak, Meshak le Abednego-teʼ Pasian gensiatna kampau a om leh kibalnen gawp dinga, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Daniel 3:30

Tua ciangin kumpipa in Shadrak, Meshak le Abednego-te Babylon gam khen liante ah a gol zaw ukna za a pia hi.

Daniel 6:14

Kumpipa in hih thu a zak ciangin lungmang a, Daniel a suahtak theih nading lampi hanciamin ni tum dong a ngaihsun hi.