Daniel 2:9 - Tedim Bible Revision 2017

⁹ Ka mangmat nong gen theih kei uh leh note khempeuh thukhenna khat bek kong pia ding hi. No teng khempeuh in lungsim kikhatin zuau thu gengen leeng a ngaihsutna hong kikheel ding hi, a ci nuam na hi tazen uh hi. Tua ahih ciangin ka mangmat hong gen phot un. Tua hileh a khiatna zong hong gen thei ding ci-in kong muang pan ding hi,” a ci hi.

Tedim Bible

⁹ Ka mangmat nong gen kei uh leh note khempeuh thukhenna khat bek ka hong pia ding hi. No teng khempeuh in lungsim kikhat in zuau thu gengen leng a ngaihsutna hong kikhel ding hi a ci nuam na hi tazen uh hi. Tua ahih ciangin ka mangmat hong gen phot un, tua hi leh a khiatna zong hong gen thei ding ci-in ka hong muang ding hi,” a ci hi.

Daniel 2:9 Referans Kwoze

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Isaiah 41:23

Note pen pasian-te na hihna uh ka theih nadingun tu khit ciangin a hong piang ding thute kote tungah hong gen un. Kote lungkia-in ka lau nadingun phatna ahi a, siatna ahi zongin khat peuhpeuh hong bawl dih un.

Esther 4:11

“Numei ahi a, pasal ahi zongin sap lohpi-in mi khat peuhpeuh kumpipaʼ omna inn sungah a va lut leh upadi khat bek om a, tua pen, thah ding ahi hi; kumpipa in ama lamah a kham kumpi ciangkhut a na zan leh tua mipa suakta bek ding ahihna thu kumpipaʼ nasemte le ama ukna gam mi khempeuh in a theih ciat uh ahi hi. Tu-in kumpipa kiangah a pai dingin hong kisap loh zawh ni sawm thum bang pha ta hi,” a ci hi.

Daniel 5:28

Parsin pen kikhen cihna hi a, na gam kikhen khamin Media le Persia-te a kipia zo hi, a cihna ahi hi,” a ci hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem le tum theih dang a gingte na zak khit phet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong hon khia zo ding pasian omin um na hi uh hiam?” a ci hi.

Ezekiel 13:6

Amauteʼ maangmuhnate zuaupi hi a, a thugen kholhnate uh zong zuau thu ahi hi. Keimah in amaute sawl lo napi-in amaute in, ‘Topa in hih bangin ci hi,’ ci khem uh hi. Tua bang hi napi-in amauteʼ thugente ka tunsak ding a lamen lai uh hi.

Isaiah 44:25

Zuau thu genteʼ hilhkholhna limte a siasak pa, aisante pen mihai a suaksak pa, mipilte leh heikikin, amauʼ thutheihte haina a suaksak pa;

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasianʼ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khris nasem hihna tawh ama mai ah lungsim takpi tawh thugente ka hi uh hi.

Daniel 5:31

Media mi Darias kumpi a suak hi. (Tua laitakin Darias kum sawm guk le kum nih a pha hi.)

Ezekiel 13:19

Mangbuhham khut khat dim le anlum them tawm khat na ngah theih nadingun ka miteʼ mai ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in noteʼ thugen hong um uh hi.

Ezekiel 13:17

Tua ciangin Topa in, “Mihing ahi Ezekiel aw, na miteʼ lakah a om, a thugen ding uh a phuak tawm numeite en in. Amauteʼ gamtatna hangin mawhsakna thu gen inla,

Paunak 12:19

Thuman genna kip tawntung a, thuzuau genna tomno sung bek kimang hi.

1 KUMPI MASATE 22:22

Topa in ama kiangah, ‘Bang lam tawh zol ding na hi hiam?’ a ci hi. Amah in, ‘Keimah pai khia-in, ama kamsangte khempeuh sungah a zuau kha ka va hi ding hi,’ ci hi. Tua ciangin amah in, ‘Nangmah in amah a va zol ding na hi a, nangmah in na zo ding hi; paikhia inla tua bangin va hih in,’ ci hi.

1 KUMPI MASATE 22:6

Tua ciangin Israel kumpipa in kamsangte mihing za li bang khawmin amaute tungah, “Ramoth-gilead a sim dingin ka kuan ding hiam, ahih kei le ka thuak ding hiam,” a ci hi. Amaute in, “Kuan to in; bang hang hiam cih leh Topa in kumpipaʼ khut sungah hong pia ding hi,” a ci uh hi.

Daniel 2:8

Kumpipa in, “Ka ngaihsut sa teng hong zasak khinzo ka hih manin hun sau theihtheih nading a zong na hih lam uh teltakin kithei hi.

Daniel 2:16

Tua ciangin kumpipa kiangah Daniel pai a, a mangmat a khiatna a hilh theih nadingin hun tawmvei sung a kingak lai nadingin phalna a ngen hi.