Daniel 2:5 - Tedim Bible Revision 2017

⁵ Kumpipa in, “Ka mangmat le a khiatna nong gen theih kei uh leh note kong semnen gawp dinga, na inn uh suksiat gawp dingin ka ngaihsun khinzo hi.

Tedim Bible

⁵ Kumpipa in, “Ka mangmat leh a khiatna nong gen theih kei uh leh note kong semnen gawp ding a, na inn uh suksiat gawp dingin ka ngaihsun khin zo hi.

Daniel 2:5 Referans Kwoze

Daniel 3:29

“Tu-in minamkimte, minam tuamtuamte, pau nam tuamtuamte, mi khat peuhpeuh in Shadrak, Meshak le Abednego-teʼ Pasian gensiatna kampau a om leh kibalnen gawp dinga, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Ezra 6:11

Tua tham loin, mi khatpeuh in hih thupiakna a siatsak leh ama inn panin a innkam khat kidawh khiatsakin tua tungah amah kihen cipin kisat gawp dinga, tua banah a inn zong a kisuksiatna ding thu kong pia thuah lai hi.

2 KUMPI NIHNATE 10:27

Tua ciangin amaute in Baal biakna song susia-in, Baal biakinn susia uh a, tu ni dongin ekbuk a suaksak uh hi.

Late 50:22

“Tua ahih ciangin Pasian a mangngilh mite aw, hih thuciamteh un. Tua hikeileh note kong bal gawp ding hi. Note hong hon khia ding kuamah om lo hi.

Daniel 2:12

Tua thu hangin kumpipa heh mahmah a, Babylon sunga kumpiʼ thudot mipilte khempeuh thah lup khit dingin thu a pia hi.

Late 58:7

Tui luang khiate bangin amaute mangthangsak inla, lopa bangin amaute kituancil gawpin keu tumsak in.

1 SAMUEL MASA 15:33

Tua ciangin Samuel in, “Na namsau in nute ta bei-in a bawl mah bangin na nu zong ta bei hi ta ding hi,” a ci hi. Tua ciangin Samuel in Topaʼ mai Gilgal ah Agag a semnen hi.

Thu-hilhkikna 13:16

Note in van kinusiate khempeuh khua laizang mun awngah khawmin, Topa na Pasian uh tungah khuapi le van kinusia khempeuh meihal biakna bupin mei tawh na hal ding uh hi. Tua khuapi pen nin kikholna hi tawntung dinga, kilamkik nawn lo ding hi.

Joshua 6:26

Tua hun laitakin Joshua in amaute tungah thuciamna khat koih a, “Mi khat kipanin hih Jerikho khuapi a lamkik pa in Topaʼ mai ah samsiatna thuak tahen. A tacil luang khaamin tua khuapi bulpi phut dinga, a tapa neu pen luang khaamin a kulh kongpite phut ding hi,” a ci hi.

Daniel 4:9

Ama kiangah, aisan theite lak a a lian pen Belteshazzar aw, Pasianʼ kha na sungah om ahih manin thuthuk khempeuh na theihtheih lam ka thei hi. Hih ka mang a khiatna hong gen in, ka ci hi.