Daniel 2:49 - Tedim Bible Revision 2017

⁴⁹ Kumpipa in Danielʼ ngetna mah bangin Shadrak, Meshak le Abednego-te Babylon gam khen tuamtuamte a uk dingin koih a, Daniel pen kumpi inn sungah a omsak hi.

Tedim Bible

⁴⁹ Kumpipa in Daniel’ ngetna mah bangin Shadrak, Meshak, leh Abednego-te Babilon gam khawk uk dingin koih a, Daniel pen kumpi inn sungah a omsak hi.

Daniel 2:49 Referans Kwoze

Daniel 1:7

Innsung maang lian pen pa in amaute min thak phuah a, Danielʼ min dingin Belteshazzar, Hananiahʼ min dingin Shadrak, Mishaelʼ min dingin Meshak, Azariahʼ min dingin Abednego a phuak hi.

Esther 2:19

Tua hun sungin Mordekai in kumpi nasep a ngah hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Esther 2:21

Ni khat, kumpi nasemin Mordekai a om hun sungin kongcing ahi kumpipaʼ innsung maangte Bigthana le Teresh heh uh a, Kumpipa Ahasueras thah ding a sawm uh hi.

Daniel 2:17

Tua ciangin Daniel a inn ah ciah a, a thupiang teng khempeuh a lawmte Hananiah, Mishael le Azariah-te kiangah a ko hi.

Daniel 1:17

Pasian in tua khangno lite lai theih siamna le pilna thukte a pia hi. Daniel pen maangmuhna le mangkhiat siamna a pia hi.

Jeremiah 39:3

Jerusalem khua a kilak laitakin Nergal-sharezer, Samgar-nebo, galkap bu Sarsekhim le sakol galkap maang Nergal-sharezer te a kipan Babylon kumpi uliante khempeuh hong pai-in kongpi laita pen ah hong tu uh hi.

Paunak 28:12

Mihoihte in vangliatna a ngah ciangin mi khempeuh lungdam uh a, migilote a liat ciangin a dangte in gimna thuak uh hi.

Esther 3:2

Tua ahih ciangin kumpi huang sunga om kumpipaʼ nasem khempeuh in Haman zahtak bawlin ama mai ah kun uh hi; bang hang hiam cih leh tua banga a hih ding uh kumpipa in thu pia hi. Ahih hangin Mordekai pen amah zahtakna limin a mai ah kun lo hi.

Daniel 6:2

Tua ahih ciangin amah in tua gam ukpite tungah a vaihawmpi ding le kumpi deih bang a sem dingin Daniel le a dang mi nih a teel hi.

Daniel 3:1

Kumpi Nebukhadnezzar in a tun pi sawm kua a sang, a vailam pi kua a gol kham milim golpi khat bawlsak a, Babylon gam sung Dura zanglei ah a koih hi.