Daniel 2:48 - Tedim Bible Revision 2017

⁴⁸ Tua ciangin kumpipa in Daniel letsong hoih tampi pia a, a za liansak a, Babylon gam teng uksakin, Babylon mipil thudotte a ukpipa dingin a koih hi.

Tedim Bible

⁴⁸ Tua ciangin kumpipa in Daniel letsong hoih tampi pia a, a za liansak a, Babion gam teng uk sakin, Babilon mipil thu dotte ukpipa dingin a koih hi.

Daniel 2:48 Referans Kwoze

Daniel 2:6

Ahi zongin ka mangmat le a khiatna nong gen theih uh leh, letsong le minphatna lianpi kong pia ding hi. Tua ahih ciangin tu-in ka mangmat bang hi a, a khiatna bang ahi hiam cih hong gen un,” a ci hi.

Daniel 5:11

Na gam sungah Pasianʼ kha a nei mi khat a om hi. Na pa kumpi ahih laitakin, tua mipa in pasian-teʼ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte le aksi et siamteʼ ukpi dingin a koih hi.

Daniel 4:9

Ama kiangah, aisan theite lak a a lian pen Belteshazzar aw, Pasianʼ kha na sungah om ahih manin thuthuk khempeuh na theihtheih lam ka thei hi. Hih ka mang a khiatna hong gen in, ka ci hi.

Daniel 5:29

Tua ciangin Belshazzar in Daniel pen kumpi puansan a silhsak dingin thu pia pah a, minphatna khamkhi a ngawng ah a oksak hi. A gam sungah a za lian thum nadingin a koih hi.

Daniel 5:16

Ahih hangin nangmah in thuthukpi le kuama theih zawh loh thute gen thei hi, ci-in kong za zo hi. Hih lai kigelh sim thei-in a khiatna nong gen theih leh kumpi puansan kong silhsak dinga, minphatna khamkhi na ngawng ah hong oksakin, kumpi gam sungah a za lian thumna-in ka hong koih ding hi,” a ci hi.

Daniel 3:30

Tua ciangin kumpipa in Shadrak, Meshak le Abednego-te Babylon gam khen liante ah a gol zaw ukna za a pia hi.

Daniel 3:12

Babylon gam a khen liante a uk dingin na koih Shadrak, Meshak le Abednego a kici Jew mi pawl khat a om uh hi. Amaute in kumpipaʼ thupiakna a mang kei uh hi. Amaute in na pasian bia nuam loin, na milim koih mai ah a kun nuam kei uh hi,” a ci uh hi.

Daniel 3:1

Kumpi Nebukhadnezzar in a tun pi sawm kua a sang, a vailam pi kua a gol kham milim golpi khat bawlsak a, Babylon gam sung Dura zanglei ah a koih hi.

Jeremiah 5:5

Mi liante kiangah pai-in ka va kiho ding uh hi. Amaute in Topaʼ lampi thei uh a, amauʼ Pasianʼ deihna thei uh hi,” ci-in ka ngaihsun hi. Ahih hangin a vekpi-un ka uk ding nial khin uh a, ka hakkol kuaitanin ka henna khaute su tat khinzo uh hi.

JOB (Job) 1:3

Amah in tuu tul sagih, kalaoh tul thum, bawngtal kap za nga, lapi za nga le nasem tampi tak a nei hi. Tua ahih manin nisuahna gam sungah Job a hau pen khat ahi hi.

2 KUMPI NIHNATE 5:1

Syria kumpipaʼ galkap a uk Naaman pen kumpipaʼ maipha a ngah ulianpi khat ahi hi. Bang hang hiam cih leh Topa in ama hangin Syria mite gualzawhna pia hi. Amah a thahat a vanglian khat hi a, ahih hangin amah a phak ahi hi.

2 SAMUEL NIHNA 19:32

Barzillai pen kum sawm giat a pha, a khangham mahmah mi khat ahi hi. Mahanaim ah kumpipa a om laitakin amah in an pia hi; bang hang hiam cih leh amah mihau mahmah khat ahi hi.

1 SAMUEL MASA 25:2

Karmel mualah nasep a nei mi khat Maon khua ah a om hi. Tua pa hau mahmah a, amah in tuu tul thum le keel tul khat nei hi. Amah in Karmel ah a tuumul a met hi.

1 SAMUEL MASA 17:25

Israel mite khatlekhat kiho-in, “Hih hong paikhia mipa na mu ngei uh hiam? Israel-te a to dingin hong pai to takpi hi. Amah a that mipa tungah kumpipa in sum tampi pia-in, ama tanu zong pia dinga, a paʼ innkuante, Israel sungah aana nasep le siah khempeuh kipengsak ding hi,” a ci uh hi.

Gamlak-vakna 24:11

Tua ahih ciangin tu-in na omna munah tai in. ‘Nang kong min liansak ding hi,’ ka hong ci hi. Ahih hangin na min liat nading panin Topa in nang hong khaktan hi,” a ci hi.

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun a phong to hi. Uliante tawh tu khawmsak a, minphatna ngahsak hi. Bang hang hiam cih leh leitung khuampite Topa aʼ hi a, tuate tungah amah in leitung pumpi a koih hi.

Daniel 5:7

Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawng ah ka oksak dinga, kumpi gam sungah a za lian a thumna-in ka koih ding hi,” a ci hi.

Daniel 8:27

Keimah Daniel, ni tawmvei sung tha zaw gawpin ka ci a na hi. Tua ciangin tho-in ka nasep ngei a semkik dingin kumpi inn ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Daniel 4:6

Ka mangmat a khiatna a hong hilh dingin Babylon gam kumpi thudotte khempeuh a hong pai nadingun thu ka pia hi.