Daniel 2:47 - Tedim Bible Revision 2017

⁴⁷ Kumpipa in, “Hih thuthukpi hong gen thei na hih manin na Pasian pen thuthuk a lak, pasian khempeuh sung pan a lian pen, kumpiteʼ tunga Topa ahi hi,” a ci hi.

Tedim Bible

⁴⁷ Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Daniel 2:47 Referans Kwoze

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilh zo hi.

Daniel 2:22

Amah in thuthukpite le thusimte a lak khia hi. Amah in khuamial sunga kiseelte thei a, khuavak in amah a umcih hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Thu-hilhkikna 10:17

Bang hang hiam cih leh Topa na Pasian uh a lian, a vanglian, a kihtakhuai Pasian, angvan nei loin, sumgolh a la lo, pasian-teʼ Pasian, topateʼ Topa ahi hi.

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

1 TIMOTI MASA 6:15

Kumpiteʼ Kumpi, topateʼ Topa, thupha ngahin amah bek a lian pen ahi Pasian in hun a sak khatpeuh ciangin Jesu hong kilangsakkik ding hi.

Daniel 2:37

Kumpipa aw, kumpi khempeuh lak pan nang a lian pen na hi hi. Vantung Pasian in kumpi-in nang hong koih a, vangliatna, thahatna le zahtakna a hong pia hi.

Late 136:2

Lungdamna pen pasian-teʼ Pasianʼ tungah ko un; bang hang hiam cih leh ama itna kip tawntung hi.

Late 82:1

Thu vaihawm kikhopna sungah Pasian in ama panmun hong len a, amah in pasian-teʼ lakah thu a khen hi.

Late 72:11

Kumpi khempeuh ama mai ah bok uh henla, minam khempeuh in ama na sem ta uh hen.

Piancilna 41:39

Tua ahih ciangin Faro in Josef kiangah, “Pasian in hihte khempeuh nang hong lak khin ahih manin, nang bangin thu ngaihsun siam le a pil midang om lo hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 4:17

Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Daniel 2:19

Tua ciangin tua zan sungin maangmuhna tawh tua thuthukpi Danielʼ tungah kihilh a, amah in vantung Pasianʼ min a phat hi.

JOB (Job) 12:19

Siampite mihai suaksak a, mi vangliante lawnthal hi.

Joshua 22:22

“A Vanglian Pa, Pasian, Topa! A Vanglian Pa, Pasian, Topa! Amah in thei hi. Israel mahmah in zong thei tahen! Lehdona ahi a, Topaʼ tungah thuman lohna ahi zongin ahih a, Topa zuihna panin a pial dingin biakna tau lam ka hih uh leh, tu ni-in kote hong zah kei hen. Tua ahih kei leh zong, tua tungah meihal biakna ahi a, an tawh biakna ahi a, thunuam a biakna ahi zongin piak nadingin a lam ka hih uh leh Topa mahmah in hong thuk tahen.

Daniel 4:25

Mite sung panin hong kihawl khia dinga, gamsate tawh na teeng khawm ding hi. Bawngtal bangin lopa na ne dinga, a pua lamah lumin, kum sagih sung na tungah daitui a hong kia ding hi. Tua ciangin a Lian Pasian in mihingteʼ kumpi gam uk a, a teel mi peuhpeuh kumpi suaksak thei hi, na ci ding hi.

1 KORIN MASA 14:25

A lungsim sung uh ah a ipcipte uh kipholak dinga, khukdinin Pasian bia-in, “Hih mite lakah Pasian om taktak hi,” ci ding uh hi.

Late 136:3

Lungdamna pen topateʼ Topaʼ tungah ko un; bang hang hiam cih leh ama itna kip tawntung hi.

Ezekiel 26:7

“Tua ciangin kumpi khempeuh lak panin a lian pen ahi Babylon kumpipa Nebukhadnezzar, nang Taia khuapi a sim dingin kong paipih ding hi. Amah leilu lam gam pan hong kipanin galkap honpi, sakolte le a leengte le sakol galkap honte hong tonpih ding hi.

Daniel 2:29

Kumpipa na ihmut laitakin mailam a hong piang ding mang khat na man a, thuthukpi a lak khia Pasian in a piang ding thu a hong lak khol zo hi.

Daniel 2:30

Tu-in midangte sangin ka pil zawk manin kei tungah tua thu a hong kilak hi loin, Kumpipa in na mangmat a khiatna le na ngaihsut thu na theih nadingin a hong kilak ahi zaw hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem le tum theih dang a gingte na zak khit phet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong hon khia zo ding pasian omin um na hi uh hiam?” a ci hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Daniel 3:29

“Tu-in minamkimte, minam tuamtuamte, pau nam tuamtuamte, mi khat peuhpeuh in Shadrak, Meshak le Abednego-teʼ Pasian gensiatna kampau a om leh kibalnen gawp dinga, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Daniel 5:11

Na gam sungah Pasianʼ kha a nei mi khat a om hi. Na pa kumpi ahih laitakin, tua mipa in pasian-teʼ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte le aksi et siamteʼ ukpi dingin a koih hi.

2 KUMPI NIHNATE 5:15

Tua ciangin Pasianʼ mipa kiangah amah le a pawlte khempeuh kilehkikin ama mai ah ding uh hi. Tua ciangin amah in, “En in, leitung mun dang khempeuh ah Pasian om loin, Israel sung bekah om hi, ci-in ka thei hi. Tua ahih ciangin tu-in na nasem pa tung panin letsong khat hong sang in,” a ci hi.

Late 96:4

Bang hang hiam cih leh Topa lian a, nakpi takin phat ding ahi hi; pasian dangte khempeuh sangin amah zahtak zawk ding ahi hi.