Daniel 2:4 - Tedim Bible Revision 2017

⁴ Amaute in Aram pau tawh, “Kumpipa aw, na khansau hen! Na mang hong gen leteh a khiatna zong kong gen ding uh hi,” a ci uh hi.

Tedim Bible

⁴ Amaute in Aram pau tawh, “Kumpipa aw, na khan’ sau ta hen! Na mang hong gen leteh a khiatna kong gen ding uh hi,” a ci uh hi.

Daniel 2:4 Referans Kwoze

Daniel 5:10

Kumpipa le a mi liante gamlum ngeingai-in a om laitakun, pawi inn sungah kumpinu hong lut a, “Kumpipa aw, sau veipi nungta in. Bang hangin lungkham lua-in na mai daangsak zenzen na hi hiam?

Daniel 3:9

Amaute in Kumpi Nebukhadnezzarʼ kiangah, “Kumpipa aw, na khansau hen!

Ezra 4:7

Tua ciangin Persia kumpi Artakzaksis hun ciangin Mithredath, Tabeel le a lawmte uh thukimna tawh kumpipa tungah lai gelh uh a, a lai pen Aram lai-in kigelh a, Aram pau mahin kisim khia hi.

Isaiah 36:11

Tua ciangin Eliakim, Shebna le Joah in a ulian pa kiangah, “Kote in thei ngawn ka hih manun na nasemte tungah Aram pau tawh hong gen hoh in. Kulh tunga om miteʼ zakna ah Judah pau tawh thu nong gen loh nadingin kong thum hi,” a ci uh hi.

Daniel 6:21

Daniel in, “Kumpipa aw, sau veipi nungta in.

Daniel 6:6

Tua ciangin kumpipa kiangah amaute pai uh a, “Darias kumpipa aw, sau veipi nungta in!

1 KUMPI MASATE 1:31

Tua ciangin Bathsheba in lei lam maingatin kunin kumpipa tungah zahtakna bawl a, “Ka to kumpi David nungta tawntung tahen!” a ci hi.

Mattiu 21:9

A mai-a pai mihonte le a nung a zui mihonte awng uh a, “Davidʼ suan Jesu in phatna ngah tahen! Topaʼ min tawh hong pai pa in thupha ngah tahen! A sangpen a om Pasian in phatna ngah tahen!” a ci uh hi.

Daniel 5:8

Kumpipaʼ thudot mite hong tung uh a, ahih hangin tua lai a sim thei le kumpipa tungah a khiatna a gen thei kuamah a om kei uh hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Daniel 4:7

Tua ciangin aisan theite, mitphial siamte, khongkhai theite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Isaiah 44:25

Zuau thu genteʼ hilhkholhna limte a siasak pa, aisante pen mihai a suaksak pa, mipilte leh heikikin, amauʼ thutheihte haina a suaksak pa;

Nehemiah 2:3

kumpipa ka dawng a, “Kumpipa nungta tawntung in. Ka pute ka pate a kivuina khuapi sia gawp a, a kongpite kaang tum ahih ciangin mai khing loin bangci om theih ding ka hi hiam?” ka ci hi.

1 KUMPI MASATE 1:25

Bang hang hiam cih leh tu ni-in amah pai suk khinin, bawngtalte, gan no thaute le tuute, tampi tak biakna-in pia a, kumpipaʼ tapate khempeuh, galkapte a ukpa Joab le siampi Abiathar sam hi. Amaute in ama ading pawi bawl uh a, ‘Kumpi Adonijah a khansau hen!’ ci uh hi.

1 SAMUEL MASA 10:24

Tua ciangin Samuel in mi khempeuh tungah, “Topa in a teel sa mipa na mu uh hiam? Mi khempeuh lakah amah tawh a kibang khat zong om lo hi,” a ci hi. Tua ciangin mi khempeuh awngin, “Kumpipa khansau hen!” a ci uh hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amauteʼ kiangah a mang gen a, ahih hangin Faroʼ tungah a khiatna a gen thei kuamah om lo hi.

Piancilna 31:47

Laban in, Jegar-sahadutha, ci hi. Ahih hangin Jakob in, Galeed, ci hi.

2 KUMPI NIHNATE 18:26

Tua ciangin Hilkiahʼ tapa Eliakim, Shebnah le Joah in a ulian pa kiangah, “Kong thum uh hi; kote in Aram pau thei ka hih manun na nasemte tungah Aram pau-in thu hong gen in; kulh tunga om miteʼ zakin Jew pau-in koteʼ tungah hong gen kei in,” a ci uh hi.

Daniel 1:4

Tua mite, kumpi inn sunga nasem siamte a suah theih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Daniel 2:7

Amaute in, “Kumpipa aw, na mang hong gen phot leteh a khiatna kong gen thei pan ding uh hi,” ci-in a dawngkik uh hi.

Daniel 4:9

Ama kiangah, aisan theite lak a a lian pen Belteshazzar aw, Pasianʼ kha na sungah om ahih manin thuthuk khempeuh na theihtheih lam ka thei hi. Hih ka mang a khiatna hong gen in, ka ci hi.

Daniel 6:7

Ngattakin zuih ding thukham khat kumpipa in na bawl ding, gam sung nasem ko vaihawmpite, gam ukpite, gam ukpi huhte le kumpipaʼ thudot mite khempeuh ka thukim uh hi. Tu zawh ni sawm thum sungin nang kumpipa kiang longal, pasian kiang ahi a, midang khat peuhpeuh kiangah ahi zongin thungen om thei lo ding hi, ci-in na kham ding hi. Hih na thupiakna a mang lo peuhmah humpinelkai kikhumna sungah kikhia ding hi.