Daniel 2:39 - Tedim Bible Revision 2017

³⁹ Nangʼ khit ciangin nangʼ kumpi gam sangin a neu zaw kumpi gam a dang khat hong piang dinga, tua khit ciangin sumngo ahi kumpi gam a thumna in leitung khempeuh uk ding hi.

Tedim Bible

³⁹ Nang khit ciangin nang sanga neuzaw kumpi gam adang khat hong piang ding a, tua khit ciangin sumngo ahi kumpigam thumna in leitung khempeuh a uk ding hi.

Daniel 2:39 Referans Kwoze

Daniel 2:32

Tua milim lutang pen kham hoih mahmah tawh a kibawl ahi hi. A awm le a bante ngun tawh kibawl a, a gil le a pheite sumngo tawh kibawl hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik dinga,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

Daniel 10:20

Amah in, “Bang hangin na kiangah hong pai ka hi hiam, cih na thei hiam? Thuman Laibu sungah a kigelh thute a lak dingin a hong pai ka hi hi. Tu-in ciahkikin, Persia gam a cing vantungmi tawh ka kido ding hi. Tua khit ciangin Grik gam a cing vantungmi a hong kilang ding hi. Mikhael longal kei a hong huh ding kuamah a om kei hi.

Daniel 8:20

Na muh ki nih a nei tuutal pen Media le Persia gam kumpite a cihnopna ahi hi.

Zekhariah 6:6

Sakol vomte in a kaih leeng pen leilu lam Babylon ah a pai ding hi a, sakol kangte, nitumna lam, sakol gialte, leitaw lam, sakol sante, nisuahna lam gamah a pai ding ahi hi.

Zekhariah 6:3

a thumna, sakol kang in kai a, a lina, sakol gial in kai hi.

Daniel 7:23

Hih bangin hilh telna kei a hong kipia hi: “Sapi lina pen leitung a hong om ding kumpi gam lina ding hi a, kumpi gamdangte tawh kilamdang mahmah ding hi. Amah in leitung buppi valh tum dinga, tuancil gawpin a sukham ding hi.

Daniel 2:38

Amah in miʼ teenna leitung teng, ganhing teng le vasate a uk dingin nang a hong koih hi. Tua kham lutang pen nangmah na hi hi.

Daniel 2:40

Tua khit ciangin kumpi gam lina hong piang dinga, sik bangin a khauh ding hi. Sik in na khempeuh sat nenin a gawivui bangin, a masa kumpi gam teng khempeuh a sukham ding hi.

Daniel 8:21

Keeltal pen Grik kumpi gam hi a, a mit kikal a a po ki pen kumpi masa pen a cihnopna ahi hi.