Daniel 2:30 - Tedim Bible Revision 2017

³⁰ Tu-in midangte sangin ka pil zawk manin kei tungah tua thu a hong kilak hi loin, Kumpipa in na mangmat a khiatna le na ngaihsut thu na theih nadingin a hong kilak ahi zaw hi.

Tedim Bible

³⁰ Tu-in midangte sangin ka pil zawk mana kei tungah tua a hong kilak hi loin, Kumpipa in na mangmat a khiatna leh na ngaihsut thu na theih nadingin a hong kilak ahi zaw hi.

Daniel 2:30 Referans Kwoze

Piancilna 41:16

Josef in Faro dawngin, “Keiʼ pilna tawh mang a khia thei ka hi kei hi. Pasian in Faroʼ tungah a hoih lamin dawnna hong pia ding hi,” a ci hi.

Sawltak 3:12

Peter in hih mite a muh ciangin amaute kiangah, “Ka mipih Israel mite aw, bang hangin hih thupiang lamdang sa a, bang hangin ko hong hici et na hi uh hiam? Hih mipa lam ka paisak theihna uh, komauʼ vang le komauʼ hoihna hang sa na hi uh hiam?

2 KORIN NIHNA 4:15

Hih thute khempeuh note ading a kikhualna hi a, Pasianʼ hehpihna in mi tam ban semsem leh mi a tam semsem mah in Pasianʼ minthan nadingin lungdam ko-in thu ngen ding uh hi.

ROM (Romans) 8:28

Ama deihna bang a sem dingin Pasian in a hong sap, amah a it eite adingin piangsak hi, ci-in i thei hi.

Marka 13:20

Topa in tua gimna hun a ni khiam lo hileh a suakta zo kuamah om lo ding hi. Ahi zongin ama teel mite a khualna-in a ni a khiam hi.

Mattiu 24:22

Pasian in tua gimna hun a ni khiam lo hileh a suakta zo kuamah om lo ding hi. Ahi zongin ama teel mite a khualna-in a ni a khiam ding hi.

Amos 4:13

Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.

Daniel 2:49

Kumpipa in Danielʼ ngetna mah bangin Shadrak, Meshak le Abednego-te Babylon gam khen tuamtuamte a uk dingin koih a, Daniel pen kumpi inn sungah a omsak hi.

Daniel 1:17

Pasian in tua khangno lite lai theih siamna le pilna thukte a pia hi. Daniel pen maangmuhna le mangkhiat siamna a pia hi.

Isaiah 45:4

Ka nasem pa Jakob, ka teel sa Israel ka ngaihsutna-in nang pen na minin kong sam a, nong theih loh hangin min thak kong phuak hi.

Late 139:2

Nangmah in ka hek sukna, ka hek tohnate na thei hi. Nangmah in ka ngaihsutnate gamlapi pek panin na thei hi.

Daniel 2:47

Kumpipa in, “Hih thuthukpi hong gen thei na hih manin na Pasian pen thuthuk a lak, pasian khempeuh sung pan a lian pen, kumpiteʼ tunga Topa ahi hi,” a ci hi.