Daniel 2:22 - Tedim Bible Revision 2017

²² Amah in thuthukpite le thusimte a lak khia hi. Amah in khuamial sunga kiseelte thei a, khuavak in amah a umcih hi.

Tedim Bible

²² Amah in thu thukpite leh thu simte a lakkhia hi. Amah in khuamial sunga kiselte thei a, amah khuavak in a umcih hi.

Daniel 2:22 Referans Kwoze

JOB (Job) 12:22

Amah in khuamial sung panin thuthukte kal khia a, a kithei zo lo thute kitelsak hi.

1 JOHAN MASA 1:5

Ama kiang panin za-in note tungah kong gen uh thu in: Pasian, khuavak hi a, khuamial tawh kizopna them khat zong nei het lo hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Jeremiah 23:24

Mi khat peuhpeuh keiʼ muh loh dingin busim thei ding ahi hiam, Topa in kong ci hi. Leitung, vantung, mun khempeuh ah ka om lamtak thei lo na hi uh hiam, Topa in kong ci hi.

Late 25:14

Topa tawh kilawmtatna pen amah a zahtakte ading hi a, a thuciamna amau tungah kitheithangsak hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

Daniel 5:11

Na gam sungah Pasianʼ kha a nei mi khat a om hi. Na pa kumpi ahih laitakin, tua mipa in pasian-teʼ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte le aksi et siamteʼ ukpi dingin a koih hi.

Late 36:9

Bang hang hiam cih leh nuntakna tuinak nangmah tawh om a, na khuavak sungah kote in khuavak ka mu uh hi.

Daniel 2:11

Kumpipaʼ thudotna pen haksa lua mahmah ahih manin, mihing ahi lo pasian-te longal a gen thei ding kuamah om lo hi,” a ci uh hi.

Isaiah 45:7

Keimah in khuavak le khuamial piangsakin, a pha nate le a sia nate ka piangsak a, hih nate khempeuh a bawlpa, keimah Topa ka hi hi,” a ci hi.

Efesa 3:5

A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

1 KORIN MASA 4:5

Tua ahih manin a hun a tun ma-in kuamah mawhsakin thu khen kei un. Topa hong pai ciangin a tawpna thukhenna hong om dinga, amah in thusimte hong pholakin, mihingte in a lungsim sung uh ah a ipcip uh thute hong telkheh ding hi. Tua ciangin mi khempeuh in amauʼ ngah dingin a kilawm phatna, Pasianʼ kiang panin a ngah ciat ding uh hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Isaiah 41:22

Amaute in a thu uh hong paipih uh henla, a piang ding thu hong gen uh hen. Eite in i ngaihsut theih nading, a hong piang ding thu i theih nadingin a beisa huna om nate bang teng hiam hong gen ta uh hen. Tua ahih kei leh zong, a hong piang ding thu eite tungah hong gen ta uh hen.

Late 104:2

Puanza tawh tuam bangin khuavak tawh na kituam a, vantungte pen puanbuk bangin na zal hi.

JOB (Job) 26:6

Pasianʼ muhna ah misiteʼ gam kilang sinsen a, a muh theih loh nadingin a liah bangmah om lo hi.

Johan 8:12

Tua khit ciangin Jesu in mihonte kiangah a thugenna khat ah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Johan 1:9

Ama gen khuavak taktak pen zong leitungah hong tung khin a, mi khempeuh a taan khin hi.

Mattiu 13:13

Amaute in enen napi-in mu thei lo uh a, ngaingai napi-in za thei lo, tel thei lo uh ahih manin thu gentehna zangin thu a gen ka hi hi.

Daniel 5:14

Nangma sungah Pasianʼ kha om ahih manin siamna nei-in, lungpilna le theihna na neih lam ka thei hi.

Isaiah 42:9

En un, hun beisa-a nate in hong kheng ta a, tu-in a thak nate kong gen hi. Tuate a hong piankhiat ma-in note tungah a thute ka hong gen khol hi,” a ci hi.

Isaiah 41:26

Eite in i theih nadingin a kipat cil a kipan kua in hong gen khia a, “Amah man hi,” i cih theih nadingin a hun ma-in kua in gen ahi hiam? Kuamah in gen khia lo, kuamah in pulak lo a, kuamah in noʼ thu za lo hi.

Piancilna 41:16

Josef in Faro dawngin, “Keiʼ pilna tawh mang a khia thei ka hi kei hi. Pasian in Faroʼ tungah a hoih lamin dawnna hong pia ding hi,” a ci hi.

Daniel 2:19

Tua ciangin tua zan sungin maangmuhna tawh tua thuthukpi Danielʼ tungah kihilh a, amah in vantung Pasianʼ min a phat hi.

Daniel 2:47

Kumpipa in, “Hih thuthukpi hong gen thei na hih manin na Pasian pen thuthuk a lak, pasian khempeuh sung pan a lian pen, kumpiteʼ tunga Topa ahi hi,” a ci hi.

Thu-hilhkikna 29:28

Topa in hehna, sinsona, lungham mahmahna tawh a leitang panun amaute zunglot a, tu ni-a i muh bangin amaute gam dangah hawl khia hi,’ ci ding uh hi.

Thuhilh-sia 8:1

Mipilte bek in na a khiatna taktak theithei uh hi. Pilna in mipilte maitaisak a, a hehmai a beisak hi.

Jeremiah 33:3

Kei nong sap leh kong dawngkik dinga, na theih ngei nai loh a ki-imcip thu lianpite kong gen ding hi.