Daniel 2:21 - Tedim Bible Revision 2017

²¹ Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Tedim Bible

²¹ Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Daniel 2:21 Referans Kwoze

Daniel 4:17

Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

JOB (Job) 12:18

Amah in kumpite zakiasak a, thong ah a khia hi.

1 KUMPI MASATE 4:29

Pasian in Solomonʼ tungah teh zawh lohin a thuk mahmah pilna le theihna le gen zawh loh lungsim zaina pia a,

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

1 KUMPI MASATE 3:28

Tua ciangin Israel mi khempeuh in kumpipaʼ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdang sa-in a om uh hi.

Paikhiatna 31:3

Lim hoihte a geel ding; kham, ngun, sumngo tawh na a bawl ding; siamna nam khempeuh ah nasep nading; bulh ding suangte seekna le singzep nasep a sem dingin vangliatna, siamna, pilna, theihna le khutsiam nasep khempeuh tawh amah ka kidimsak hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Daniel 2:9

Ka mangmat nong gen theih kei uh leh note khempeuh thukhenna khat bek kong pia ding hi. No teng khempeuh in lungsim kikhatin zuau thu gengen leeng a ngaihsutna hong kikheel ding hi, a ci nuam na hi tazen uh hi. Tua ahih ciangin ka mangmat hong gen phot un. Tua hileh a khiatna zong hong gen thei ding ci-in kong muang pan ding hi,” a ci hi.

1 KHANG TANGTHU MASATE 22:12

Amah in Israel tungah nang hong uksak ciangin Topa na Pasianʼ thukham na zuih theih nadingin Topa in ngaihsut pilna le thutelna nang tungah hong pia tahen.

1 KUMPI MASATE 10:24

Tua ciangin Pasian in ama lungsim sunga a koih ama pilna a ngai dingin leitung mi buppi in Solomonʼ omna zong uh hi.

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

Daniel 11:6

Kum sauvei sim khit ciangin Egypt kumpipa in a kipawl khawm theih nadingin Syria kumpipa le ama tanu a kiteengsak ding hi. Ahih hangin tua kipawlkhawmna kip lo dinga, tua numei le a tonpih a silate le a ta le a pasal a kithat lum ding hi.

1 KHANG TANGTHU MASATE 29:30

ama ukna le ama vangliatnate khempeuh le ama tung le Israel tung, gam sung kumpi gamte khempeuh tungah a tung thute a kiciaptehna tawh kigelh khawm hi.

Paikhiatna 31:6

En in, amah tawh, Dan minam, Ahisamakʼ tapa Oholiab ka seh khinzo hi. Amaute in nang kong thupiak khempeuh a bawl theih nadingun a hih thei mi khempeuh tungah siamna ka pia khinzo hi.

Esther 1:13

Tua ciangin kumpipa in upadi siam a mipilte thu dong hi. Bang hang hiam cih leh upadi le biakna lam thu theite khempeuh thu dot pen kumpipaʼ zat ngei khat ahi hi.

ROM (Romans) 13:1

A kuamah peuh in hong ukteʼ thu na mang ciat un. Bang hang hiam cih leh Pasianʼ thukimpih lohin kuamah in ukna thu nei lo hi; ukna thu nei i cih mite pen Pasianʼ koih mite ahi hi.

Daniel 1:17

Pasian in tua khangno lite lai theih siamna le pilna thukte a pia hi. Daniel pen maangmuhna le mangkhiat siamna a pia hi.

Daniel 2:20

“Pasianʼ min kiphat tawntung tahen; amah pilin a vanglian hi.

Daniel 2:23

Nang pen ka pu ka pateʼ Pasian na hi a, kong phat a, ka hong zahtak hi. Nangmah in pilna le thahatna na hong pia zo hi. Ka thungetna nong za a, kumpipa kiang a ka gen ding thu nong lak zo hi,” a ci hi.

Daniel 10:1

Sairas, Persia gam kumpi a suah zawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theih tel hak mahmah ahih manin maangmuhna tawh teltakin a kilak hi.

Daniel 4:14

Amah nakpi-in kiko-in, ‘A singkung phuk inla, a hiang teng sattan in. A teh teng heuh siang inla, a gah teeng thehthang in. A nuai-a ganhing teng le a hiang tunga vasa teng hawl khia in.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na ban to a, leitung khempeuh ah na vangliatna kizel hi.