Daniel 12:9 - Tedim Bible Revision 2017

⁹ Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.

Tedim Bible

⁹ Amah in, “Daniel aw, tu-in ciah in, bang hang hiam cih leh hih thute in beina hun a tun’ mateng selcip a, ciamteh ding ahi hi.

Daniel 12:9 Referans Kwoze

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Mangmuhna 10:4

Tua van sagih a gingteʼ thugen a man khit phetin tua a thugente lai ah a gelh dingin ka kithawi hi. Ahi zongin vantung panin awging khat ka za a, “Tua thute lai ah gelh kei inla, tua van sagih a gingteʼ thugen imcip in,” hong ci hi.

Isaiah 29:11

Hih maangmuhnate khempeuh pen note adingin ahihleh a kimatcip laibu sunga thu om tawh a kibang a suak hi. Mite in lai a sim thei pa khat tungah, “Hih lai sim dih in,” a cih ciangin amah in, “Kimatcip ahih manin ka sim thei kei hi,” ci hi.

Isaiah 8:16

Ka nungzuite aw, Pasian in kei tungah hong piak hih thute, limtakin kemin koihcing un.

Daniel 10:14

Mailam hunah na mipihteʼ tunga hong tung ding thu a hilh khol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 11:40

“Syria kumpipaʼ hun a bei dektak ciangin, Egypt kumpipa in amah a sim ding hi. Syria kumpipa in a thaneih teng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.

Daniel 12:8

A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.