Daniel 12:8 - Tedim Bible Revision 2017

⁸ A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.

Tedim Bible

⁸ A thugen ka za a, ahih hangin tel takin ka thei kei hi. Tua ahih ciangin, “Topa aw, bang ci bangin beina a hong piang ding hiam?” ci-in ka dong hi.

Daniel 12:8 Referans Kwoze

Sawltak 1:7

Jesu in, “Ka Pa in ama thu tawh a seh sa hun le nite, cik ciangin hong tung ding cih thu noteʼ theih ding thu hi lo hi.

1 PETER MASA 1:11

Khris in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrisʼ Kha Siangtho in kua a cihna hi a, bang hun ciang hi ding hiam, ci-in a kankan uh pen tu hun thu a gen ahi hi.

Johan 12:16

Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Luka 18:34

Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Daniel 12:6

Tua mite khat in puan pak silh a, gun gal a gamla zaw deuhin a ding pa kiangah, “Hih nalamdangte a beina ding bang tanvei sawt ding ahi hiam?” ci-in a dong hi.

Daniel 10:14

Mailam hunah na mipihteʼ tunga hong tung ding thu a hilh khol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 8:13

Vantungmi khat in a dang vantungmi khat kiangah thu a dot ka za a, “Hih maangmuhna bang tanvei sawt dinga, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Daniel 12:9

Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.