Daniel 12:7 - Tedim Bible Revision 2017

⁷ Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Tedim Bible

⁷ Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Daniel 12:7 Referans Kwoze

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Mangmuhna 12:14

Ahi zongin tua gulpi in a sukkhak theih loh nadingin kum thum le alang sung gamlak ah a kikep nading munah a leentheih nadingin muvanlai gol mahmahteʼ kha tawh a kibang kha nih tua numei a kiguan hi.

Daniel 8:24

Amah thahat mahmah dinga, ahih hangin ama thahatna ahi kei ding hi. Amah in a dipkuathuai siatna piangsak dinga, ahihna khempeuh ah a thahat mahmah ding hi. Amah in mi thahatte le Pasianʼ mite a susia ding hi.

Mangmuhna 13:5

Tua ganhing, kiphatsakna le kam khel nono a pau theih nading le kha sawm le nih sung aana a zat theih nadingin thu kipia hi.

Mangmuhna 12:6

A numei pen Pasian in ama adingin a bawl kholhsakna mun gamlak ah tai a, tua munah ni tul khat za nih sawm guk sung kikhoi ding hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Isaiah 62:12

Amaute pen A Siangtho Mi, Topa’ Hotkhiatte kici dinga, nang pen A kizong khia, a kinusia lo khuapi, hong kici ding hi.

Thu-hilhkikna 26:19

ama bawl sa minam dangte khempeuh sangin phatna le minthanna le pahtawina a lian zaw a ngahin hong koih nading le ama gen sa mah bangin Topa noteʼ Pasian adingin a siangtho mi na hih nading uh hong gen khin hi,” a ci hi.

Thu-hilhkikna 7:6

“Bang hang hiam cih leh note pen Topa noteʼ Pasianʼ tungah a siangtho mi na hi uh hi. Leitung a om mite khempeuh sung panin ama mi ahi dingin Topa na Pasian un note hong teel zo hi.

Daniel 12:6

Tua mite khat in puan pak silh a, gun gal a gamla zaw deuhin a ding pa kiangah, “Hih nalamdangte a beina ding bang tanvei sawt ding ahi hiam?” ci-in a dong hi.

Daniel 11:13

Syria kumpipa khatvei kuankikin a masa sangin galkap a tam zaw a kaikhawm ding hi. A hun kicing ta a sak ciangin galkap tampi le galhiam kicing piikpeek tawh a kuan khia ding hi.

Daniel 8:14

Amah in, “Zingsang le nitak biakpiakna tul nih le za thum vei a cin khit ciangin biakinnpi kipuahkik ding hi,” a ci hi.

Thu-hilhkikna 32:40

Bang hang hiam cih leh vantung lamah ka khut laam to-in ka kiciam a, a nungta tawntung ka hih mah bangin,

Luka 21:14

Tua hun ciangin eite in bangci gen ding cih lunghihmawhin nei kei un.

JOB (Job) 27:2

“Keima dikna a hong seelcipsak Pasian, ka lungsim a hong gimsak Vanglian Pasian a nungta ahih mah bangin,

Mangmuhna 4:9

Tua ganhingte in a nungta tawntung, tokhom tungah a tupa tungah a lungdamna uh ko-in pahtawi-in a phat simun

Mangmuhna 4:10

nungta tawntungin tokhom tungah a tupa mai ah tua upa sawm nih le lite zong bokin amah bia uh a, tua tokhom mai ah a lukhute uh lawnin, la sa uh a,

Ezekiel 20:5

Amaute tungah keima thugente gen in. Israel mite ka teel laitakin amaute tungah thuciamna khat ka bawl hi. Egypt gam sungah amaute tungah ka kilang a, kei pen Topa noteʼ Pasian ka hi hi, ci-in ka kigen hi.

Daniel 10:5

Ka nung lam ka et toh leh puan pak silhin kham kawnggak tawh a kawng a gak mi khat ka mu hi.

Daniel 12:8

A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.

Thu-hilhkikna 32:36

Bang hang hiam cih leh amauteʼ vang a beina le sila le sila ahi lote a beina a muh ciangin Topa in a miteʼ dikna kilangsak dinga, ama nasemte tungah hehpihna nei ding hi.

Daniel 4:31

Tua thute a kam sung pan a pusuah ma-in vantung panin aw khat hong ging a, “Kumpi Nebukhadnezzar aw, ka thugen na ngai in. Na kumpi gam hong kilak khiatsak zo hi.

Daniel 7:21

Ka et laitakin, tua ki in Pasianʼ mite galin do a, amaute a zo gawp hi.