Daniel 12:6 - Tedim Bible Revision 2017

⁶ Tua mite khat in puan pak silh a, gun gal a gamla zaw deuhin a ding pa kiangah, “Hih nalamdangte a beina ding bang tanvei sawt ding ahi hiam?” ci-in a dong hi.

Tedim Bible

⁶ Tua mite khat in puanpak silh a, gungal a gamla zaw deuh-a a ding pa’ kiangah, “Hih nalamdangte a bei nading bang tanvei sawt ding ahi hiam?” ci-in a dong hi.

Daniel 12:6 Referans Kwoze

Daniel 8:13

Vantungmi khat in a dang vantungmi khat kiangah thu a dot ka za a, “Hih maangmuhna bang tanvei sawt dinga, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Ezekiel 9:2

Leilu lam biakinn kongpi pualam panin thakhatin mihing guk hong pai-in hiam khat ciat hong tawi uh hi. Saihadial puan a silh, lai gelhna ding a tawi mi khat tawh zong hong pai khawm uh hi. A vekpi-un sumngo biakna tau gei ah hong ding uh hi.

Daniel 8:16

Ulai gun gal panin mihingʼ aw khat hong ging a, “Gabriel aw, a muh nate ama kiangah a khiatna hilh in,” a cihna ka za hi.

Mangmuhna 19:14

Vantung galkapte a siangtho puan pak hoih tawh kizem uh a, sakol kangte tungah tuangin amah a zui uh hi.

Mangmuhna 15:6

Tua biakinn sung panin vantungmi sagih, gimna sagih tawh hong pusuak uh a, puan pak silhin, kham awmgak tawh a awm uh a gak uh hi.

Mangmuhna 6:10

Amaute nakpi takin kiko uh a, “A thuman, a siangtho, a Vanglian Topa aw, leitungah a om lai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.

1 PETER MASA 1:12

Vantung panin a hong kisawl Kha Siangthoʼ vangliatna tawh thu a gen thupuakteʼ tung panin na zak uh Thute mah kamsangte in a gen laitakun, tua a thugente uh amaute ading hi loin note ading ahihna thu, Pasian in tua kamsangte tungah a na gen zo hi. Vantung mite nangawn in hih thute a theih tel nop khat uh ahi hi.

Late 74:9

Kote in ka mailam thu ding uh ka thei kei uh hi. Kamsang khat zong om nawn lo a, bang tanvei hi ding, ci-in a thei kuamah ka om kei uh hi.

Mattiu 24:3

Oliv Mual tungah Jesu tu-in a om laitakin a nungzuite guak a tuamin hong pai uh a, “Hih thute cik ciangin hong piang dinga, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Marka 13:4

“Hih na thugen cik ciangin hong tung dinga, hih na thugente khempeuh hong tun ding ciangin bang lim hong om ding ahi hiam?” ci-in a dong uh hi.

Daniel 12:5

Tua ciangin keimah Daniel in gun pang tuak a ding mi nih ka mu hi.

Daniel 12:8

A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.