Daniel 11:36 - Tedim Bible Revision 2017

³⁶ “Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Tedim Bible

³⁶ “Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Daniel 11:36 Referans Kwoze

2 THESALONIKA NIHNA 2:4

Tua A Gilopa in miteʼ biak pasian a kici khempeuh le na khempeuh nial gawp ding hi. Tuate khempeuh sangin a lian zaw-in a kingaihsut banah, Pasian ka hi hi, ci-in Pasianʼ biakinn sung mahmah ah pai-in va tu ding hi.

Daniel 8:19

Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Thu-hilhkikna 10:17

Bang hang hiam cih leh Topa na Pasian uh a lian, a vanglian, a kihtakhuai Pasian, angvan nei loin, sumgolh a la lo, pasian-teʼ Pasian, topateʼ Topa ahi hi.

Daniel 11:16

Galdo zo ding om nawn lo uh ahih manin a galte uh a ututin a gamta ding uh hi. Thuciam Gamah zong lutin a khut sungah tua gam a om ding hi.

Daniel 2:47

Kumpipa in, “Hih thuthukpi hong gen thei na hih manin na Pasian pen thuthuk a lak, pasian khempeuh sung pan a lian pen, kumpiteʼ tunga Topa ahi hi,” a ci hi.

Isaiah 14:13

Nang in na lungsim sungah, ‘Vantungah ka kah to ding hi. A sangna mun, Pasianʼ aksiteʼ tung pekah ka kumpi tokhom ka koih dinga, leilu lam pek a kikhopna mual tungah ka tu ding hi.

Mangmuhna 10:7

A sagihna vantungmi in a peengkul a tum ciangin ama nasem kamsangte tungah a gen sa bangin Pasian in ama ip thusim a geelte hong sem khia ding hi,” a ci hi.

Isaiah 10:25

Bang hang hiam cih leh a sawt loin note tungah ka thangpaihna bei dinga, ka hehna amauteʼ tung tu-in, amaute sia ding uh hi.

Late 136:2

Lungdamna pen pasian-teʼ Pasianʼ tungah ko un; bang hang hiam cih leh ama itna kip tawntung hi.

Mangmuhna 17:17

Bang hang hiam cih leh Pasian in ama thugente a tun theih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amauʼ ukna aana a piasak hi.

Mangmuhna 17:3

Kha Siangtho tawh kidimin ka om a, vantungmi in gamlak mun khat ah hong tunpih hi. Tua lai ah, a tungah min hoih lo nam tuamtuam a dimin a kigelh ganhing a san khat tungah numei khat a tu ka mu hi. Tua ganhing in lutang sagih le ki sawm a nei hi.

Mangmuhna 12:14

Ahi zongin tua gulpi in a sukkhak theih loh nadingin kum thum le alang sung gamlak ah a kikep nading munah a leentheih nadingin muvanlai gol mahmahteʼ kha tawh a kibang kha nih tua numei a kiguan hi.

Sawltak 4:28

Nangmah in na deihna bangin a piang dingin na vangliatna tawh na khensat sa thu khempeuh a sem dingin amaute kikhawm uh hi.

Johan 6:38

Bang hang hiam cih leh keima ut bangin a sem ding hi loin kei hong sawl paʼ deihna bangin a sem dingin vantung panin a hong pai ka hi hi.

Johan 5:30

“Keima thu guak tawh ka hih theih bangmah om lo hi. Pasianʼ hong genna bang bekin thu ka khen hi. Keima ut bangin sem loin kei hong sawl paʼ deih bangin sem ka hih manin ka thukhenna thuman hi.

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Daniel 11:3

Tua ciangin a minthang kumpi khat a hong kilang ding hi. Amah in gam zaipi tak uk dinga, ama thuthu-in a gamta ding hi.

Daniel 8:4

Tua tuutal in a ki tawh nitumna lam, saklam le khanglam a si kawikawi ka mu hi. Ama ut bangin kiphasakin gamta ahih manin amah a kho zo ding le a thahatna pan a suakta zo ding ganhing khat beek a om kei hi.

Daniel 7:8

Tua kite ka et laitakin tuateʼ lakah a dang ki neu khat hong po a, a om sa sung pan ki thumte a bot khia hi. Tua kiʼ tungah mihing mittang tawh a kibang mittang le kam om a, kiphatsakna kam tampi a pau hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Isaiah 26:20

Ka mite aw, hong pai-in na inn sung uh ah tum unla, na kongte uh khak un. Hehna a dam matengin tawl khat sung bu un.

Paunak 19:21

Mihingʼ ngaihsutna ah thu tampi om a, ahi zongin Topaʼ deihna tawh a kituakte bek kimang ding hi.

Late 33:10

Topa in minamteʼ thungaihsutna a mawkna suahin, miteʼ geelna a khaktan hi.

Joshua 22:22

“A Vanglian Pa, Pasian, Topa! A Vanglian Pa, Pasian, Topa! Amah in thei hi. Israel mahmah in zong thei tahen! Lehdona ahi a, Topaʼ tungah thuman lohna ahi zongin ahih a, Topa zuihna panin a pial dingin biakna tau lam ka hih uh leh, tu ni-in kote hong zah kei hen. Tua ahih kei leh zong, tua tungah meihal biakna ahi a, an tawh biakna ahi a, thunuam a biakna ahi zongin piak nadingin a lam ka hih uh leh Topa mahmah in hong thuk tahen.

2 THESALONIKA NIHNA 2:3

Ahi zongin kuama khem sa-in ta kei un. Bang hang hiam cih leh nakpi takin Pasian langpanna lianpi le hell khuk sung a tung ding ahi A Gilopa hong kilat matengin tua Ni hong tung lo ding hi.

2 THESALONIKA NIHNA 2:8

A khamcip pa a kilakkhiat khit ciangin A Gilopa hong kilang dinga, Topa Jesu hong pai ciangin tua A Gilopa mut lum dinga, vanglian minthangin hong kilatna tawh a maimangsak ding hi.

Mangmuhna 13:1

Tua laitakin tuipi sung panin ganhing khat a hong pusuak ka mu hi. Tua ganhing in ki sawm le lutang sagih nei a, a ki sawmte tungah lukhu khat ciat om a, a lutang sagihte tungah min hoih lo khat ciat a kigelh hi.

Ezekiel 35:13

Kei hong gensia-in na kiphatsak paunate khempeuh a vekin ka za khin hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta-in a liing uh hi. Mi khatpeuh a thah nop leh that a, a nuntaksak nop leh a nungtasak hi. A ut leh mi khatpeuh pahtawi-in, a ut leh a daisak thei hi.

Daniel 5:20

Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Daniel 11:37

Kumpipa in a pu a pateʼ biak pasian le numeite in a it pasian a thusim kei ding hi. Pasian a kici peuhmah khat beek a thusim kei ding hi. Bang hang hiam cih leh tuate sangin amah a lian zaw-in a kingaihsun hi.

Isaiah 10:5

Assiria-te pen ka hehna mite gimpiak nadingin molhtum le ciangkhutin ka zat ahi hi.

Isaiah 10:23

Bang hang hiam cih leh Topa, Vanglian Topa in a thukhennasa bangin leitung khempeuh ah beisiangna a bawl ding hi.

Isaiah 14:14

Meiiteʼ tung pekah ka kah to dinga, Sangpen pa bangin ka kibawl ding hi,’ na ci hi.

Isaiah 30:33

Assiria kumpipa a kihalna ding mei phualpi mun, sawtpekin kibawl khinzo hi. Kumpipa adingin a baih sa-in kikoih a, a mi halna pen lianin kisangsak a, sing a sangpi-in vum venvan hi. Topa in kaat kuang hu sang khia dinga, tua mei phualpi tawhkuang ding hi.

Isaiah 57:9

Molek pasian kiangah a pai dingin sathau tawh khual na zin a, na paknamtuite tawh na siam tawpin na kipuah hi. Nang in gamlapi ah na taangmite na sawl a, Leinuai dong nangawn ah na paisak hi.

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gen nop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.

Zekhariah 11:16

Ka tuuhonte a cing dingin tuucing khat ka koih a, ahi zongin ka tuu a sia dingte huh loin, a mangthangte zong loin, a liamte bawl loin, a cidamte zong an vak lo hi. Amah in tua tuu thau penteʼ sa ne-in a khecinte nangawn hawk khiatsak zawsop hi.