Daniel 11:3 - Tedim Bible Revision 2017

³ Tua ciangin a minthang kumpi khat a hong kilang ding hi. Amah in gam zaipi tak uk dinga, ama thuthu-in a gamta ding hi.

Tedim Bible

³ Tua ciangin a thahat kumpi khat a hong kilang ding hi. Amah in gam zapi tak uk ding a, ama thuthu-in a gamta ding hi.

Daniel 11:3 Referans Kwoze

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Daniel 11:16

Galdo zo ding om nawn lo uh ahih manin a galte uh a ututin a gamta ding uh hi. Thuciam Gamah zong lutin a khut sungah tua gam a om ding hi.

Daniel 8:21

Keeltal pen Grik kumpi gam hi a, a mit kikal a a po ki pen kumpi masa pen a cihnopna ahi hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzang ah vasa kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta-in a liing uh hi. Mi khatpeuh a thah nop leh that a, a nuntaksak nop leh a nungtasak hi. A ut leh mi khatpeuh pahtawi-in, a ut leh a daisak thei hi.

Jeim 1:18

Ama piansakte khempeuh lakah eite a masa pen i suah theih nadingin thuman thutak zangin ama utthu tawh eite a hong piangsak tawm ahi hi.

Hebru 2:4

Amauteʼ thugenna banah Pasian in vangliatna lim le nalamdang a tuamtuamte bawlna tawh hong gen beh lai hi. Tua banah ama hoihsak bangin Pasian in Kha Siangtho zong hong hawm lai hi.

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.