Daniel 11:29 - Tedim Bible Revision 2017

²⁹ “Tua nung ciangin Egypt gam simkik leuleu dinga, ahih hangin a masa-a bangin a piang kei ding hi.

Tedim Bible

²⁹ “Tua nung ciangin Izipt gam sim kik leuleu ding a, ahih hangin a masa-a bangin a piang kei ding hi.

Daniel 11:29 Referans Kwoze

Sawltak 17:26

Mihing khat tung panin leitung minam khempeuh hong piangsakin, leitung khempeuh ah a omsak hi. Amah in mihingte a piansak ma pekin, mihingteʼ nuntak tanvei ding le a ten nading uh mun a seh sa ahi hi.

Daniel 11:25

“Egypt gam hang takin a sim theih nadingin galkap tampi a kaikhawm ding hi. Egypt-te in zong galkap tampi tawh nasia takin a na do ding uh hi. Ahi zongin Egypt kumpipa in khemna thuak ding ahih manin gal a zo kei ding hi.

Daniel 11:23

Zuaugen siamna zangin minam dangte tawh kilemna a bawl ding hi. Minam tawmno khat bek a uk hangin a thahatna a khang semsem ding hi.

Daniel 10:1

Sairas, Persia gam kumpi a suah zawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theih tel hak mahmah ahih manin maangmuhna tawh teltakin a kilak hi.

Daniel 8:19

Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Isaiah 14:31

“Filistia khuapi kongpite aw, nakpi takin kap un; khuapite aw, kiko un. Filistia mi khempeuh aw, lau-in liing un! Bang hang hiam cih leh leilu lam panin galkap honteʼ hong paina leivui khu hong kitung a, tua galkapte a meidawi khat beek om lo hi,” hong ci hi.

Galati 4:2

A pa in ama gamhluah ding teng a piak ma, a neu lai hun sungteng, midang in tua naupang kemin a vai ding a hawmsak hi.

Daniel 11:28

Tua ciangin Syria kumpipa, a galvan lak teng tawh a gamah ciahkik dinga, Pasian miteʼ biakna suksiatsak ding a lungngai ding hi. A ut bang peuhin gamta dinga, tua ciangin a gam lamah a ciahkik ding hi.

Daniel 11:30

Rom mite, teembaw tawh hong pai-in amah do ding uh ahih manin a lau ding hi. Tua ciangin amah kilehkik dinga, a thangpaihna tawh Pasianʼ miteʼ biakna suksiat ding a hanciam ding hi. Amah in tua biakna a nusia miteʼ zolsimna a mang ding hi.