Daniel 11:27 - Tedim Bible Revision 2017

²⁷ Tua kumpi tegel in sabuai khat tungah tu-in an a nekhawm ding uh hi. Ahih hangin a ngaihsutna uh a hoih zawsang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei uh hi.

Tedim Bible

²⁷ Tua kumpi tegel in sabuai khat tungah tu in, an a ne khawm ding uh hi. Ahih hangin a ngaihsutna uh a hoih zaw sang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei ding uh hi.

Daniel 11:27 Referans Kwoze

Late 12:2

Mi kim in a veengte kiangah zuau thu gen ciat a, phat khemna kam zol le lungsim nam nih tawh thu a gen uh hi.

Habakkuk 2:3

Hih thu a tun nading hun hi pah nai lo ahih manin lai-in ciamteh in. Ahi zongin hong tung baih ta dinga, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin ciangin hong tung takpi dinga, zekai lua nawn lo ding hi.

Daniel 11:35

Mi pawl khat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasianʼ seh sa hun a tunna ahi hi.

Late 64:6

Eiteʼ mawhna kua in phawk zo ding ahi hiam? Siam mahmahna tawh i sawm simna i vaihawm hi,” ci-in a ngaihsun uh hi. Bang hang hiam cih leh mihingteʼ sung thu le a lungsim ngaihsutna uh thuk mahmah hi.

Daniel 11:40

“Syria kumpipaʼ hun a bei dektak ciangin, Egypt kumpipa in amah a sim ding hi. Syria kumpipa in a thaneih teng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.

Daniel 8:19

Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Paunak 26:23

Tungtham bek a kam khum pauna pen cimbeng kizut leibeel tawh kibang hi.

Paunak 12:20

Thusia ngaihsunte lungkham uh a, thuhoih vaihawmte lungdam uh hi.

Late 58:2

Hi peuhmah lo hi; na lungsim uh ah a man lo na ngaihsun uh a, gam sungah ngongtatna na gamta uh hi.

Late 52:1

Mi thahatpa aw, bang hangin miphate suksiatna ah kisial na hi hiam? Sun thapai-in, suksiatna na ngaih sunsun hi.

1 THESALONIKA MASA 5:1

Ahi zongin sanggamte aw, hih thu hong pian ding hun tawh kisai kong gelh ding uh kisam lo hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Sawltak 1:7

Jesu in, “Ka Pa in ama thu tawh a seh sa hun le nite, cik ciangin hong tung ding cih thu noteʼ theih ding thu hi lo hi.

Daniel 11:29

“Tua nung ciangin Egypt gam simkik leuleu dinga, ahih hangin a masa-a bangin a piang kei ding hi.

Daniel 10:1

Sairas, Persia gam kumpi a suah zawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theih tel hak mahmah ahih manin maangmuhna tawh teltakin a kilak hi.

Ezekiel 17:9

“Tua ahih ciangin Topa Pasian ahi keimah in ka dotnop thu pen: ‘Hih leenggui hingin hoihtakin khang zo ding ahi hiam? Muvanlai masa pen in zungbawhin, a gahte zut khia-in, a hiangte kuaitanin, keu tumsak ding hi lo ahi hiam?’ cihna ahi hi. Tua leenggui bawhkhiat nadingin thahatna ahi a, minam lianpi ahi zongin kisam lo hi.

Paunak 19:21

Mihingʼ ngaihsutna ah thu tampi om a, ahi zongin Topaʼ deihna tawh a kituakte bek kimang ding hi.

Late 62:9

Mihingte ahihleh husan bang bek hi a, a lian a neu kibang lel hi. Tawi a kikhai ciangin amaute in leek lo uh a, amaute a kigawmin husan sangin zang zaw hi.

2 SAMUEL NIHNA 13:26

Tua ciangin Absalom in, “Tua bang hi lo ding ahihleh ka sanggampa Amnon kote tawh nong paisak ding kong thum hi,” a ci hi. Tua ciangin kumpipa in ama kiangah, “Bang hangin nang tawh amah hong pai ding ahi hiam?” a ci hi.

Daniel 11:28

Tua ciangin Syria kumpipa, a galvan lak teng tawh a gamah ciahkik dinga, Pasian miteʼ biakna suksiatsak ding a lungngai ding hi. A ut bang peuhin gamta dinga, tua ciangin a gam lamah a ciahkik ding hi.

Daniel 8:17

Gabriel hong pai-in ka kiangah hong dinga, lau lua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.