Daniel 11:20 - Tedim Bible Revision 2017

²⁰ “Tua ciangin kumpi dang khat in ama nung hong zuikik leuleu dinga, a gam sung khantoh nadingin phiangsiah tampi a dong dingin mi khat a sawl ding hi. Tawlno khat khit ciangin tua kumpipa kithat lum dinga, ahih hangin gal sung a si ahi kei ding hi.

Tedim Bible

²⁰ “Tua ciangin kumpi dang khat in ama nung hong zuikik leuleu ding a, kumpi gamsung khantoh nadingin phiangsiah tampi a dong dingin mi khat a sawl ding hi. Tawlno khat khit ciangin tua kumpipa kithat lum ding a, ahih hangin gal sunga si ahi kei ding hi.

Daniel 11:20 Referans Kwoze

Isaiah 60:17

Sumngo tangin kham kong puak dinga, sik tangin ngun kong paipih ding hi. Sing tangin sumngo, suang tangin sik kong puak ding hi. Nuam na sak nadingin na mang liante uh bawlin na nasem ukte uh thuman thutang tawh na ka semsak ding hi.

Daniel 11:21

“Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suak vat ding hi.

Daniel 11:7

“A sawt loin tua numeiʼ behte khat in Syria kumpi sim dinga, a kulhpi sungah tumin amaute a zo gawp ding hi.

Paunak 30:33

Bawngnawi toktok lehang thawhbat hong suak a, mi khatʼ nak tupsak lehang si hong luang a, mi phin lehang kitotna hong piang hi.

2 KUMPI NIHNATE 23:35

Tua ciangin Jehoiakim in a ngun le a kham Faroʼ tungah pia a, ahih hangin Faroʼ thupiakna bangin tua sum a piak dingin a gam sung mite tung pan amah in siah a dong hi. Faro Neko tungah a piak dingin, amah in mi khempeuh tung panin a neihsa uh tawh kizui-in a gam sung miteʼ ngun le kham a dok hi.

Habakkuk 1:1

Hih pen kamsang Habakkuk tungah Topa in maangmuhna sungah a gen thu ahi hi.