Daniel 11:15 - Tedim Bible Revision 2017

¹⁵ Tua ahih ciangin Syria kumpipa in kulhpi tawh a ki-umcih khuapite luh zo-in a la khin ding hi. Egypt galkapte in gal dosuak zo nawn lo ding uh a, galkap thahat pente a thaneem ding uh hi.

Tedim Bible

¹⁵ Tua ahih ciangin Siria kumpipa in kulhpi tawh a kiumcih khuapite luh zo-in a la khin ding hi. Izipt galkapte in galdo suak zo nawn lo ding uh a, galkap thahatpente a thaneem ding uh hi.

Daniel 11:15 Referans Kwoze

Ezekiel 17:17

Babylon mite in mi tampi a thah theih nadingun kan bawlin dum a tawh uh ciangin a thahat Faroʼ galkap honpite nangawn in amah huh zo lo ding uh hi.

Jeremiah 6:6

Bang hang hiam cih leh Vanglian Topa in, “A singte phuksak unla, Jerusalem khua sim nadingin phungin ciang un. Hih khuapi gim piak kul hi; bang hang hiam cih leh kinetniamna bekbek tawh a kidim hi.

Ezekiel 4:2

Tua ciangin tua khuapi a ki-umcihna lah nadingin na kiimah dumte, phungte, galpanna phualte le kulh suk khapna ding molhtumte bawl in.

Daniel 11:6

Kum sauvei sim khit ciangin Egypt kumpipa in a kipawl khawm theih nadingin Syria kumpipa le ama tanu a kiteengsak ding hi. Ahih hangin tua kipawlkhawmna kip lo dinga, tua numei le a tonpih a silate le a ta le a pasal a kithat lum ding hi.

Daniel 8:7

Heh lua mahmah ahih manin tua tuutal lai gawp a, a ki tegel a suktansak hi. Tuutal in nang zo lo ahih manin lei kidenna a, a huh zo ding kuamah a om kei hi.

Jeremiah 52:4

Tua ciangin amah kumpi a suah zawh a kum kua kum, a kha sawmna, a ni sawm ni-in, Babylon kumpipa Nebukhadnezzar in a galkap khempeuh tawh Jerusalem khua a sim dingin hong kuan uh a, khuapi kimkot ah galdalna a phut uh hi.

Jeremiah 33:4

Bang hang hiam cih leh galteʼ kan tawhna le gal kidona hangin a kisusia gawp ding hih khuapi sunga innte le Judah kumpiteʼ innte tawh kisai-in, Topa, Israel miteʼ Pasian in kong cih in ah:

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Daniel 11:14

“Tua hun ciangin mi tampi tak in Egypt kumpipa a lehdo ding uh hi. Danielʼ mipihte ahi, mihoih lo pawl khat in zong a muh sa uh maangmuhna hangin a lehdo ding uh a, ahih hangin a guallel ding uh hi.