Daniel 11:13 - Tedim Bible Revision 2017

¹³ Syria kumpipa khatvei kuankikin a masa sangin galkap a tam zaw a kaikhawm ding hi. A hun kicing ta a sak ciangin galkap tampi le galhiam kicing piikpeek tawh a kuan khia ding hi.

Tedim Bible

¹³ Siria kumpipa khatvei kuan kikin amasa sanga a tam zaw galkap a kaikhawm ding hi. A hun kicingta a kisak ciangin galkap tampi leh galhiam kicing pikpek tawh a kuankhia ding hi.

Daniel 11:13 Referans Kwoze

Daniel 4:16

Amah in mihing lungsim nei nawn loin, kum sagih sung ganhing lungsim a nei ding hi.

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Daniel 11:12

A galhatna hang le galkap tampi a thahna hangin kisathei mahmah dinga, ahih hangin a gualzo tawntung kei ding hi.

Daniel 11:14

“Tua hun ciangin mi tampi tak in Egypt kumpipa a lehdo ding uh hi. Danielʼ mipihte ahi, mihoih lo pawl khat in zong a muh sa uh maangmuhna hangin a lehdo ding uh a, ahih hangin a guallel ding uh hi.

Daniel 11:40

“Syria kumpipaʼ hun a bei dektak ciangin, Egypt kumpipa in amah a sim ding hi. Syria kumpipa in a thaneih teng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.