Daniel 10:19 - Tedim Bible Revision 2017

¹⁹ Amah in, “Lunghimawh kei inla, lau kei in. Kihangsak in. Pasian in nang hong it hi,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in; tu-in ka ci a hong dam zaw diak hi,” ka ci hi.

Tedim Bible

¹⁹ Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Daniel 10:19 Referans Kwoze

Isaiah 35:4

Lungsim patau-in, a lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai dinga, amah in note hong hon khia ding hi,” ci un.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

Thukhente 6:23

Ahih hangin Topa in ama kiangah, “Nopna na tungah hong om tahen; lau kei in, na si kei ding hi,” a ci hi.

Daniel 9:23

Pasian tungah thum dingin na kisak laitakin amah in a hong za zo hi. Pasian in nang hong it ahih manin, tua thu a gen dingin ka hong pai hi. Tu-in, tua maangmuhna thu ka hong hilh tel laitakin ciamteh in.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

2 KORIN NIHNA 12:9

Ahi zongin Topa in kei kiangah, “Na tha a nem ciangin keima vangliatna hat mahmah ahih manin nangma kisapna pen keima hehpihna hi bek hi,” ci-in hong dawng hi. Tua ahih manin keima sungah Khris vangliatna hong om theih nadingin lungdam takin ka thaneemna ka kisialh pih semsem hi.

Johan 14:27

Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

2 TIMOTI NIHNA 2:1

Ka ta aw, nang na hih leh Khris Jesu tawh i kipawl manin i ngah hehpihna hangin thahatin om in.

Johan 19:26

Jesu in ama nu le a it a nungzui pa a ding khawm a muh ciangin a nu kiangah, “Nu aw, tua lai ah na tapa om hi,” a ci hi.

Johan 21:20

Peter a kihei ciangin, nitak an a nek lai-un Jesuʼ gei ah tu-in, “Topa aw, nang kua in hong lehhek ding ahi hiam?” ci-in a dong, Jesuʼ it a nungzui pa ama nungah a om a mu hi.

Johan 11:36

Tua ahih manin amaute in, “Jesu in zong Lazaras nak it mahmah hi,” a ci uh hi.

Johan 11:5

Jesu in Martha-te unau le Lazaras it mahmah hi.

Johan 11:3

Tua ahih manin a nau numei tegel in Jesu kiangah, “Topa aw, na it mipa a ci na hi,” ci-in thu a zasak uh hi.

1 KORIN MASA 16:13

Kiging tawntungin na upna uh ah kip unla, thahatin hang un.

Haggai 2:4

Tu-in note kuamah lungkia kei un. Note tawh hong om khawm ka hih manin nasep kipan un.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Zekhariah 8:9

“Thakhauhin lungsim hang un. Ka biakinn a kilamkikna ding a bul a kiphuh laitakin kamsangte in a gen thute mah a za na hi uh hi.

Daniel 10:18

Ahih hangin khatvei hong lenkik leuleu a, ka tha a hong khauhkik zaw deuh hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Late 138:3

Nang kong sap ciangin kei nong dawng a, na thahatna tawh kei nong tha khauhsak hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Zekhariah 8:13

A beisa hunah, Judah gam mite le Israel gam mite pen, minam dangte in kihamsiatna-in zang uh a, ‘Judah le Israel-teʼ thuak bangin thuak un,’ kici uh hi. Ahi zongin note kong hon khia dinga, tu-in midangte in, ‘Judah le Israel bangin thupha ngah un,’ ci-in thupha kipiakna-in zang ding uh hi. Tua ahih manin na lungsim uh hangsak unla lau kei un.