Daniel 10:16 - Tedim Bible Revision 2017

¹⁶ Tua ciangin pasal mel tawh a kibang mi khat thakhatin ka mai ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

Tedim Bible

¹⁶ Tua ciangin pasal mel tawh a kibang mi khat thakhatin ka mai-ah hong suak-a ka muk a hong lawn’sak hi. Tua ciangin kamka-in thugen dingin ka kisa hi. Ka mai-a dingpa kiangah, “Topa aw, ka mangmuhna in ka tha hong zawsak lua ahih manin ka ci liin a pha thei kei hi.

Daniel 10:16 Referans Kwoze

Daniel 8:15

Keimah Daniel in maangmuhna a khatna thei nuamin ka hanciam hi. Thakhat thu-in mihing mel tawh a kibang khat ka mai ah a hong ding hi.

Isaiah 6:7

Amah in ka muk hong bi a, “En in, hih in na muk su kha zo hi; na mawhna bei ta a, na khialhna kimaisak zo hi,” hong ci hi.

Jeremiah 1:9

Tua ciangin Topa in a khut tawh hong zam phei-in ka muk hong lawnsakin hong hopih hi. “En in, ka thute na kam sungah kong koih khinzo hi.

Daniel 8:27

Keimah Daniel, ni tawmvei sung tha zaw gawpin ka ci a na hi. Tua ciangin tho-in ka nasep ngei a semkik dingin kumpi inn ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Daniel 8:17

Gabriel hong pai-in ka kiangah hong dinga, lau lua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.

Daniel 7:28

Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Daniel 7:15

Ka maangmuhnate in hong liing lawng sakin a hong patausak mahmah hi.

Mangmuhna 1:13

Tua meivakte lakah, puantualpi khat silhin a awm-ah kham kibawl awmgak a gak, mi tawh a kibang khat ka mu hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Luka 1:64

Tua laitakin Zekhariah hong pau theikik a, Pasian a phat hi.

Daniel 12:8

A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.

Daniel 9:21

Thu ka nget laitakin ka maangmuh masak sunga ka muh mipa Gabriel, ka omna munah a hong leeng suk hi. Tua hun pen nitak lam biakpiak hun laitak ahi hi.

Ezekiel 33:22

Tua ama hong tun ni ding a zan nitakin Topaʼ vangliatna ka sungah hong om lam ka kiphawk a, tua mipa hong tun ni zingsangin Topa in kei hong pau theisakkik hi.

Ezekiel 3:27

Ahi zongin nang kong hopihkik ciangin kong pau theisakkik dinga, amaute kiangah, ‘Topa Pasian in hih bangin ci hi,’ na ci ding hi. Tua ciangin mi pawl khat in na thu hong ngai ding uh a, ahi zongin amaute pen a lehdo thei minam ahih uh manin pawl khat in na thu hong ngai lo ding uh hi,” a hong ci hi.

Ezekiel 1:26

Tua kuum tungzang ah, sapfaia suangmanpha tawh a kibawl kumpi tokhom bang pian khat om a, tua tokhom tungah mi tawh a kibang pian lim khat a tu hi.

Thuhilh-sia 1:18

Pil semsem lehang kilunghimawh semsem a, tam thei semsem lehang hong gimsak semsem zawsop hi.

Thukhente 13:8

Tua ciangin Manoah in Topa kunh a, “Topa aw, kong thum hi; na hong sawl Pasianʼ mipa koʼ kiangah hong paisakkik inla, a hong suak ding naupang ka bawl nading uh hong hilhsak in,” a ci hi.

Thukhente 6:15

Tua ciangin Gideon in ama kiangah, “Kong thum hi, Topa aw, Israel-te bangci hotkhiat zawh ding ka hi hiam? En in, Manasseh minam sungah keima behte a hat lo pen hi a, ka innkuan sung panin kei a neu pen ka hi hi,” a ci hi.

Thukhente 6:13

Gideon in ama kiangah, “Kong thum hi, sia aw, Topa in kote hong ompih ahihleh, bang hangin hih thu khempeuh ko tungah hong tung ahi hiam? Ka pate un kote tungah hong genin, ‘Topa in Egypt panin eite hong paipih hi lo ahi hiam?’ a cih uh a lamdang ama sepnate khempeuh koi ah om ta ahi hiam? Ahih hangin tu-in Topa in kote hong paai khia-in Midian-teʼ khut sungah hong pia khin hi,” a ci hi.

Joshua 5:14

Amah in, “Hi lo hi; Topaʼ galkapte a ukpa-in tu-in kong pai hi,” a ci hi. Joshua zong bok sukin bia-in ama kiangah, “Ka topa in a nasem pa bang hong sawl nuam ahi hiam?” a ci hi.

Paikhiatna 4:13

Ahih hangin amah in, “Oh, ka Topa aw, hong thum ing; midang khat sawl zaw in,” a ci hi.

Paikhiatna 4:10

Ahih hangin Moses in Topa kiangah, “Oh, ka Topa aw, tu masiah hitaleh na nasem pa tungah thu na gen a kipan hitaleh, kei thugen a siam ka hi kei hi. Ka kampau ol-in, ka pau awk hi,” a ci hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Daniel 8:18

Amah in thu a hong gen laitakin sibupin leilak ah ka tuk hi. Ahih hangin amah in hong dom to-in a hong dingsak hi.