Daniel 10:13 - Tedim Bible Revision 2017

¹³ Persia gam a cing vantungmi in ni sawm nih le khat sung kei a hong nial hi. Tua ciangin kei a hong huh dingin vantungmi thupite khat ahi Mikhael a hong pai hi. Bang hang hiam cih leh Persia gam sungah keimah guak bek ka om hi.

Tedim Bible

¹³ Persia gam a uk kumpipa in ni sawmnih leh nikhat sung a hong nial hi. Tua ciangin vantungmi thupite khat ahi Mikhael in kei hong panpih dingin a hong pai hi. Bang hang hiam cih leh Persia gam sungah keimah guak bek ka om hi.

Daniel 10:13 Referans Kwoze

Juda 1:9

Vantung mi lian pa Mikhael nangawn tua bangin gamta ngam lo hi. Mosesʼ luanghawm kituhin Dawimangpa tawh a kitot laitakin Mikhael in Dawimangpa zahkona kammal zang ngam loin, “Topa in nang hong taii tahen,” ci bek hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pian zawh a kipan a nasia penpen gimna hun hong tung ding hi. Tua hun a hong tun ciangin Pasianʼ laibu sungah a min a kigelh na mite khempeuh kihon khia ding hi.

Mangmuhna 12:7

Tu-in vantungah gal kidona hong om a, Mikhael le a vantung mite in gulpi le a vantung mite a do uh hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

1 THESALONIKA MASA 2:18

Note kiangah hong hawhkik nuam ka hih manun note kiangah hawhkik ding ka hanciam zelzel hangun kong pai ding uh Satan in hong khaktan hi.

Kolose 2:10

Khris tawh na kipawlna hangun nuntakna kicing na nei uh hi. Huih lak a ukte le aana neite khempeuh tungah amah a lutangpi hi lai hi.

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Ezra 4:24

Tua hun a kipanin Jerusalem-a om Pasianʼ biakinn a kisepna a khawl hi. Persia kumpi Dariasʼ uk a kum nihna dong tua bangin a khawlcip phot hi.