Daniel 10:12 - Tedim Bible Revision 2017

¹² Tua ciangin amah in, “Daniel aw, lau kei in. Kiniamkhiat dingin na lungsim na khensat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.

Tedim Bible

¹² Tua ciangin amah in, “Daniel aw, lau kei in. Kiniamkhiat dinga na lungsim na khentat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.

Daniel 10:12 Referans Kwoze

Daniel 10:19

Amah in, “Lunghimawh kei inla, lau kei in. Kihangsak in. Pasian in nang hong it hi,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in; tu-in ka ci a hong dam zaw diak hi,” ka ci hi.

Isaiah 58:9

Tua ciangin nong thungetna uh kong pia dinga, nong sap uh ciangin kong dawng ding hi. Mi bawlsiatnate khawlin, mi simmawhna le kam gilo na paunate uh na khawl uh a,

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesu a zong na hih lam uh ka thei hi.

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Isaiah 35:4

Lungsim patau-in, a lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai dinga, amah in note hong hon khia ding hi,” ci un.

Luka 24:38

Tua ciangin Jesu in amaute kiangah, “Bang hangin lungmang a, bang hangin lungka na hi uh hiam?

Siampi Laibu 16:31

Tua pen note adingin a thupi tawlngakna Sabbath hi a, an na tang ding uh hi. Tua pen a tawntung a thukham ahi hi.

Siampi Laibu 16:29

“Hih pen, a kha sagihna, a ni sawm ni-in note adingin a tawntungin thukham hi dinga, tualsung mi hitaleh note lakah a hong peem khualmi hitaleh an tangin, na na sem kei ding uh hi.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

Sawltak 27:24

‘Paul aw, lunghimawh kei in. Gam uk kumpipa mai ah na ding dinga, Pasian in nang hong hehpih ahih manin nang le na khualzinpihte khempeuh na suakta ding uh hi,’ hong ci hi.

Late 69:10

An ngolhna tawh ka lungsim ka kiniamkhiat a, tua pen keimah hong kikona leh suak zawsop hi.

Luka 2:10

Ahi zongin vantungmi in, “Lau kei un. Mi khempeuh a lungdamsak ding thu thak hoih khat note ading ka hong puak hi.

Luka 1:30

Tua ciangin vantungmi in, “Mary aw, lamdang sa-in lunghimawh kei in. Pasianʼ maipha a ngah na hi hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong za khin a, na zi Elizabeth in tapa khat a nei ding hi. A min dingin Johan na phuak ding hi.

Marka 16:6

Tua tangvalpa in, “Lamdang sa kei un. Singlamteh tungah a kithat Nazareth khuami Jesu na zong uh hi. Amah kithokiksak khin a, hih lai ah om nawn lo hi. Amah a kisialna mun hong en un.

Mattiu 28:10

Tua ciangin Jesu in amaute kiangah, “Lau kei un. Pai unla, Galilee gamah ka sanggamte a pai nadingin va gen un. Tua lai ah kei hong mu ding uh hi,” a ci hi.

Daniel 10:11

Amah in, “Daniel aw, Pasian in nang hong it hi. Ding inla kong thugente limtakin ciamteh in. Na kiangah thu a gen dingin kei hong kisawl zo hi,” a hong ci hi. Amah in hih thu teng a hong gen khit ciangin liing kankan kawmin ka ding hi.

Gamlak-vakna 29:7

“Hih kha sagihna a ni sawm ni-in a siangtho kikhopna khat na nei ding uh a, an tangin tua ni-in na na sem kei ding uh hi.