Daniel 10:1 - Tedim Bible Revision 2017

¹ Sairas, Persia gam kumpi a suah zawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theih tel hak mahmah ahih manin maangmuhna tawh teltakin a kilak hi.

Tedim Bible

¹ Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.

Daniel 10:1 Referans Kwoze

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Daniel 6:28

Tua ahih manin Darias kumpi ahih laitak leh Persia mi Sairas kumpi ahih laitakin Daniel nuamsa-in a om hi.

Daniel 1:21

Sairas, Babylon kumpi a suah hun dong, kumpi inn ah Daniel om to paisuak hi.

Daniel 1:7

Innsung maang lian pen pa in amaute min thak phuah a, Danielʼ min dingin Belteshazzar, Hananiahʼ min dingin Shadrak, Mishaelʼ min dingin Meshak, Azariahʼ min dingin Abednego a phuak hi.

Daniel 1:17

Pasian in tua khangno lite lai theih siamna le pilna thukte a pia hi. Daniel pen maangmuhna le mangkhiat siamna a pia hi.

Mangmuhna 19:9

Tua ciangin vantungmi in keima kiangah, “Hih thu gelh in: Tuunoʼ zi neihna pawi ah a kisam mite a hampha mahmah ahi hi,” hong cih khit ciangin, “Hihte pen Pasianʼ gen taktak kammal ahi hi,” hong ci thuah lai hi.

Daniel 12:9

Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Daniel 10:14

Mailam hunah na mipihteʼ tunga hong tung ding thu a hilh khol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 5:17

Daniel in kumpipa kiangah, “Letsong pen kei hong pia kei inla, midang khatpeuh pia zaw in. Ahi zongin tua lai kigelh hong simsakin a khiatna kumpipa kong hilh ding hi.

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik dinga,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

Ezra 6:14

Tua hi a, kamsang Haggai le Iddoʼ suan Zekhariahʼ thugenna hangin Judah upate in a biakinn lam uh zom suakin maavang uh hi. Israel Pasianʼ sawlna le Persia kumpi Sairas le Darias le Artakzaksis-teʼ thupiakna tawh amaute in a biakinn lam uh a zo uh hi.

Ezra 6:3

“Kumpi Sairasʼ kum khatna kumin Jerusalem khua-a Pasianʼ biakinn tawh kisai-in kumpipa in thu pia hi: Biakna kipia-in meihal biakna a kipaipihna munah biakinn lamsakkik un. A sanna pi sawm kua, a vai pi sawm kua mah hi dinga,

Ezra 4:5

Amauʼ ngimna a tangtun theih loh nadingin amaute in a langpang dingin zum nasemte golhguk pia uh hi. Persia kumpipa Sairasʼ hun a kipan kumpi Darias hun dong hih bangin hih ngitnget uh hi.

Ezra 4:3

Ahih hangin Zerubbabel le Israel sunga innkuan lutang a omlaite in amaute kiangah, “Koteʼ Pasian adingin ka lam uh biakinn pen noteʼ hong lunghihmawh pih ding hi lo hi. Persia kumpipa Sairas in kote hong thupiak sa bangin Israel Pasian, Topa adingin ko teng guak mah in ka lam ding uh hi,” a ci uh hi.

2 KHANG TANGTHU NIHNATE 36:22

Tu-in Persia kumpipa Sairasʼ kum khatna kumin, Jeremiahʼ kam pan a Topaʼ thugen a tun theih nadingin, Topa in Persia kumpipa Sairasʼ lungsim hanthawn a, amah in a kumpi gam sung khempeuh ah taangkona khat bawl a, lai-in zong a gelh hi. A lai gelhna ah,

Piancilna 41:32

Faroʼ mang nih a phakna pen tua thu Pasianʼ seh sa hi, a cihnopna hi a, Pasian in tomno sungin hong tungsak ding hi.

Luka 1:20

Ahi zongin, a hong tung ding ka thugen a hun lai-in um lo na hih manin nangma tunga kong thugen a tun matengin pau thei loin na om ding hi,” a ci hi.

Daniel 11:2

Tua ciangin amah in, “Tu-a na tunga kong gen ding thu, a thuman ahi hi. Kumpi thum in Persia gam uk lai dinga, tua banah a lina hong khang ding hi. Tua pa, a dang teng sangin a hau zaw ding hi. Amah in a hauh penpen laitak le a thahat pen laitakin Grik kumpi a to ding hi.

Daniel 8:16

Ulai gun gal panin mihingʼ aw khat hong ging a, “Gabriel aw, a muh nate ama kiangah a khiatna hilh in,” a cihna ka za hi.

Daniel 5:12

Amah in a kan zaw siamna nei a, mangkhiat siamna, thudotna haksa nonote dawn theihna le thuthukpite gen tel theihna a nei hi. Tua ahih ciangin kumpipa in Beteshazzar ci-in a min a phuah Daniel samsak in. Tua hileh amah in a hong gen thei pah ding hi,” a ci hi.

Daniel 4:8

Tua ciangin Daniel (a min ding Belteshazzar, ka pasianʼ min tamin a kiphuak pa) a hong pai hi. Pasianʼ kha ama sungah om ahih ciangin ama kiangah ka mangmat ka gen hi.

Ezra 3:7

Tua hi a, amaute in suangseekte le khutsiamte tungah sum pia uh a, Persia kumpi Sairasʼ tung panin a thu ngahna bangun Lebanon mual tung gam panin tuipi gei Joppa khua ah taamtak singte a hong puak suk ding Sidon khua mite le Taia khua mite tungah zong an nek tui dawn le sathau a pia uh hi.