Daniel 1:5 - Tedim Bible Revision 2017

⁵ Amaute pen kumpi inn sunga nasem dangte mah bangin nisimin an le leenggahzu tawh a vak dingin kumpipa in thu a pia hi. Tua bangin kum thum sung sinna a neih khit uh ciangin kumpipa mai ah amaute a kilakkik ding uh ahi hi.

Tedim Bible

⁵ Amaute in kumpi inn sunga nasem dangte mah bangin ni simin an leh leenggahzu tawh vak dingin kumpipa in thu a pia hi. Tua banga kumthum sung sinna a neih khit uh ciangin amaute kumpipa’ mai-ah a kilak kik ding uh ahi hi.

Daniel 1:5 Referans Kwoze

Daniel 1:19

Kumpipa in amaute khempeuh hopih a, Daniel, Hananiah, Mishael le Azariah-te a dang teng khempeuh sangin a hoih zawk tuan lam uh a mu hi. Tua ahih ciangin kumpi inn-a vaihawm ulian pawl a suak uh hi.

Daniel 1:8

Daniel in kumpi inn sunga an le leenggahzu tawh a pumpi a thanghuaisak loh nadingin a lungsim a khensat hi. Amah in innsung maang lian pen Ashpenaz kiangah tua bang an a kipiak loh nadingin a ngen zaw hi.

1 KUMPI MASATE 10:8

Na zite a hampha mahmah hi a, na mai ah ding tawntungin na pilna a za hih na nasemte zong hampha mahmah uh hi.

Luka 21:36

Hih thupiang khempeuh thuak zawh nading thahatna na neih nading uh le Mihing Tapa mai ah na din theih nadingun a tawntungin thu ngenin vil niloh un,” a ci hi.

Luka 11:3

Nisim khamkhop an hong pia in.

Mattiu 6:11

Nisim khamkhop an hong pia in.

Jeremiah 15:19

Tua ahih manin Topa in, “Na hong kilehkik leh kong koihna ngei ah kong koihkik dinga, ka na na semkik ding hi. Thu manpha lo gen loin thu manpha bek na gen leh, ka kamsang dingin ka hong zang ding hi. Nang kiangah amaute hong pai ding uh a, nang na hih leh amauʼ kiangah na pai kei ding hi.

2 KHANG TANGTHU NIHNATE 9:7

Na zite hampha mahmah hi. Na mai ah ding tawntungin na pilna a za hih na nasemte hampha mahmah hi.

2 KUMPI NIHNATE 25:30

Tua ciangin ama ngah thuap dingin, amah a nuntak sung tawntung nisimin tanh khat, a manmanin ngahthuapna ama tungah kumpipa in a pia hi.

1 SAMUEL MASA 16:22

Saul in Jessi kiangah mi sawlin, “Keima nasepna ah David hong omsak in. Amah ka pahtak mahmah mi khat ahi hi,” cisak hi.

Piancilna 41:46

Egypt kumpipa Faroʼ nasemin a tum hunin Josef kum sawm thum pha hi. Faroʼ omna panin Josef paikhia a, Egypt gam sung khempeuh ah zin hi.

Luka 1:19

vantungmi in dawng a, “Kei pen Pasianʼ na a sem Gabriel ka hi hi. Nang kiangah thu hong genin, hih lungdamna thu a ko dingin a hong sawl ka hi hi.

Paunak 23:3

Hong thangsiahna hi kha thei ding ahih manin tua anlimte lunggulh pah lua kei un.