Daniel 1:19 - Tedim Bible Revision 2017

¹⁹ Kumpipa in amaute khempeuh hopih a, Daniel, Hananiah, Mishael le Azariah-te a dang teng khempeuh sangin a hoih zawk tuan lam uh a mu hi. Tua ahih ciangin kumpi inn-a vaihawm ulian pawl a suak uh hi.

Tedim Bible

¹⁹ Kumpipa in amaute khempeuh hopih a, Daniel, Hananiah, Mishael leh Azariahte adang teng khempeuh sangin a hoih zawk tuan lam uh a mu hi. Tua ahih ciangin kumpi inn-a vaihawm pawl a suak uh hi.

Daniel 1:19 Referans Kwoze

Daniel 1:5

Amaute pen kumpi inn sunga nasem dangte mah bangin nisimin an le leenggahzu tawh a vak dingin kumpipa in thu a pia hi. Tua bangin kum thum sung sinna a neih khit uh ciangin kumpipa mai ah amaute a kilakkik ding uh ahi hi.

Paunak 22:29

A nasepna ah a siam mahmah mi na thei kha uh hiam? Amah in mi mawkmawkteʼ na sem lo dinga, kumpiteʼ na sem ding hi.

Piancilna 41:46

Egypt kumpipa Faroʼ nasemin a tum hunin Josef kum sawm thum pha hi. Faroʼ omna panin Josef paikhia a, Egypt gam sung khempeuh ah zin hi.

Jeremiah 15:19

Tua ahih manin Topa in, “Na hong kilehkik leh kong koihna ngei ah kong koihkik dinga, ka na na semkik ding hi. Thu manpha lo gen loin thu manpha bek na gen leh, ka kamsang dingin ka hong zang ding hi. Nang kiangah amaute hong pai ding uh a, nang na hih leh amauʼ kiangah na pai kei ding hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Daniel 1:6

Tua bangin a kiteelte, Judah mite vive hi a, Daniel, Hananiah, Mishael le Azariah-te ahi uh hi.

Daniel 1:7

Innsung maang lian pen pa in amaute min thak phuah a, Danielʼ min dingin Belteshazzar, Hananiahʼ min dingin Shadrak, Mishaelʼ min dingin Meshak, Azariahʼ min dingin Abednego a phuak hi.

Daniel 1:18

Kumpipaʼ seh sa kum thum a cin khit ciangin Ashpenaz in khangnote khempeuh kumpipa kiangah a paipih hi.

Daniel 2:13

Tua ahih ciangin mipilte khempeuh thah lup khitna ding thu kipia a, tua thah lup dingte sungah Daniel le a lawmte zong a kihel uh ahi hi.

Daniel 3:29

“Tu-in minamkimte, minam tuamtuamte, pau nam tuamtuamte, mi khat peuhpeuh in Shadrak, Meshak le Abednego-teʼ Pasian gensiatna kampau a om leh kibalnen gawp dinga, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Daniel 1:4

Tua mite, kumpi inn sunga nasem siamte a suah theih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.