Daniel 1:15 - Tedim Bible Revision 2017

¹⁵ Ni sawm a cin khit ciangin amaute pen kumpi an nete sangin cidam zaw uh a, a ci a sa uh a hoih zaw hi.

Tedim Bible

¹⁵ Nisawm a cin’ khit ciangin amaute kumpi’ an nete sangin cidam zaw uh a, a ci a sa uh a hoih zaw hi.

Daniel 1:15 Referans Kwoze

Paikhiatna 23:25

Note in Topa na Pasian uh nong bia ding uh a, keimah in na an uh le na tui uh thupha ka pia ding hi. Keimah in noteʼ lak panin cinatna ka la khia ding hi.

Mattiu 4:4

Ahi zongin Jesu in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Paunak 10:22

Topaʼ thupha in mite hausak a, dahna le gimna tawh pia khawm lo hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak dinga, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsak zo hi.

Haggai 1:9

“An hau dingin na kilamet uh hangin tawmcik bek na nei uh hi. Na neihsunte nangawn uh inn na tunpih uh hangin kong mut khiatsak mangkhin hi. Bang hangin tua cih ka hi hiam? Note khempeuh, nomauʼ inn ding ciat lamin na manlah uh a, ka biakinn a siapi-in na koih dakna hang uh ahi hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Late 37:16

Migiloteʼ hauhna sangin thuman mite in tawmno khat bek a neihna hoih zaw lai hi.

Daniel 1:14

Amah in amauʼ ngetna bang mangin ni sawm sung ze-et dingin a thukim hi.