Daniel 1:1 - Tedim Bible Revision 2017

¹ Judah kumpipa Jehoiakim kumpi a suah zawh a kum thumna kumin, Babylon kumpipa Nebukhadnezzar in Jerusalem khuapi simin a umcih hi.

Tedim Bible

¹ Judah kumpipa Jehoiakim kumpi a suah zawh a kum thumna kumin, Babilon kumpipa Nebukhadnezzar in Jerusalem khuapi simin a umcih hi.

Daniel 1:1 Referans Kwoze

Isaiah 39:7

Nangʼ sung panin a suak, nangma tapate kim khat kipaikhiat pih dinga, Babylon kumpipaʼ inn sungah innsung maang nasep kisemsak ding hi,” a ci hi.

Jeremiah 25:1

Josiahʼ tapa Jehoiakim, Judah gamah kumpi a suah zawh kum sawm li a cin kumin Judah mite tawh kisai-in Topa in Jeremiah a hopih hi. (Hih hun pen Babylon ah Nebukhadnezzar kumpi a suah kum ahi hi.)

Jeremiah 35:1

Josiahʼ tapa Jehoiakim, Judah gam kumpi ahih laitakin Topa in kei hong hopih a,

Jeremiah 35:11

Ahih hangin Babylon kumpipa Nebukhadnezzar in hih gam hong sim ciangin kote in, ‘Hong pai un. Khaldea galkapte le Syria galkapte kihta ihih manin Jerusalem khua ah pai ni,’ ka kici uh a, tua mah bangin tu-in Jerusalem khua ah ka teng uh hi,” a hong ci uh hi.

Jeremiah 36:1

Josiahʼ tapa Judah kumpipa Jehoiakim in a uk zawh kum li a phakna kumin Topa in kei hong hopih a,

Jeremiah 45:1

Josiahʼ tapa Jehoiakim, Judah gamah kumpi a suah zawh kum li a cin ciangin Neriahʼ tapa Baruk in laibu khat sungah keima gen bangbang a gelh hi. Tua ahih ciangin Baruk kiangah,

Jeremiah 50:1

Khaldea miteʼ gam sungah a om Babylon khuapi tawh kisai-in Topa in hih bangin kei tungah a hong gen hi:

Jeremiah 52:12

Babylon kumpipa Nebukhadnezzar in a uk zawh kum sawm le kum kua a phak kum, a kha ngana, a ni sawm ni-in Babylon kumpipa a cing galkap mangpa Nebuzaradan, Jerusalem khua sungah hong lut hi.

Jeremiah 52:28

Nebukhadnezzar in sal dingin a paipih mi phazah hih bang ahi hi: Kumpi a suah zawh a kum sagih kumin Judah mi tul thum sawm nih thum,

Daniel 5:13

Tua ciangin thakhatin kumpipa kiangah Daniel a paipih uh hi. Kumpipa in, “Nang Daniel pen kumpi ahi ka pa in Judah gam panin a hong lakkhiat Jew mi salte khat hi lo na hi hiam?

2 KUMPI NIHNATE 23:36

Jehoiakim in uk ding a kipatin kum sawm nih le nga pha a, amah in Jerusalem ah kum sawm le kum khat sung uk hi. Ama nuʼ min Zebidah hi a, Rumah khuami Pedaiahʼ tanu ahi hi.