Amos 9:8 - Tedim Bible Revision 2017

⁸ Keimah in hih a khial Israel kumpi gam ka encik a, hih leitung panin amaute ka susia ding hi. Ahi zongin a vekpi-un susia mang loin pawl khat ka sitlai ding hi.

Tedim Bible

⁸ Keimah in hih a khial Israel kumpigam ka encik a, hih leitung panin amaute ka susia ding hi. Ahi zongin a vekpi-un susia mang loin, pawlkhat ka siit lai ding hi.

Amos 9:8 Referans Kwoze

Jeremiah 30:11

Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.

Amos 9:4

Galte in a sal dingin hing mat ta le-uh zong, namsau tawh a thah nadingun thu ka pia ding hi. Amauteʼ hoih nading ngaihsun het loin, amaute suksiat ding ka sawm hi,” a ci hi.

Jeremiah 44:27

En un, amaute tungah hoihna tung loin siatna a tun nadingin keimah in ka bawl ding hi. Egypt gamah a om Judah mi khempeuh namsau le kialpi tawh si ding uh a, khat beek a suakta kei ding uh hi.

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Joel 2:32

Ahi zongin Topaʼ tungah huhna a ngen khempeuh in hotkhiatna a ngah ding uh hi. Topaʼ gen sa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Hosea 1:6

Tua ciangin Gomer gaikikin tanu khat nei hi. Topa in zong Hosea kiangah, “Na tanuʼ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei dinga, a mawhna uh ka maisak het kei ding hi.

Paunak 15:3

Topaʼ mit in mun khempeuh mu a, misia, mipha, hong encik kim hi.

Paunak 5:21

Bang hang hiam cih leh Pasian in na gamtatna khempeuh hong mu a, na paina khempeuh ah nang hong en kawikawi hi.

1 KUMPI MASATE 13:34

Hih pen lei maitang panin khen khia-in a susia zah dongin Jeroboamʼ innkuan tungah khialhna lianpi a suak hi.

Thu-hilhkikna 6:15

bang hang hiam cih leh noteʼ lakah a om Topa na Pasian uh a aam Pasian ahi hi. Tua bang hikeileh noteʼ tungah Topa na Pasian uh hong hehin, lei maitang panin note hong susia ding hi.

Thu-hilhkikna 4:31

Bang hang hiam cih leh Topa na Pasian uh hehpihna a nei Pasian ahi hi. Amah in note hong tamasak loin, hong nusia lo dinga, na pate uh tawh a thuciamna mangngilh lo ding hi.

Piancilna 7:4

Bang hang hiam cih leh tuzawh ni sagih sungin sun sawm li le zan sawm li sung leitungah guah ka zusak ding hi. Ka bawl sa nuntakna a nei peuhmah leitung panin ka phiat khia ding hi,” a ci hi.

Piancilna 6:7

Tua ahih ciangin Topa in, “Ka piansak sa mihing, ganhing, a bokvak ganhingte le huihlak vasate, leitung panin ka phiat khia ding hi. Bang hang hiam cih leh amaute ka bawl ka khial hi,” a ci hi.

Jeremiah 46:28

Topa in kong cih in ah, ka nasem Jakobʼ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin dinga, ahih hangin note kong susia khin kei ding hi. A kilawm zahin kong thuhilh dinga, gim pia loin kong mawk koih kei ding hi,” a hong ci hi.

Amos 3:12

Topa in hih bangin ci hi: Humpinelkaiʼ nek baang tuu khebom nih ahi a, a bil them khat bek ahi zongin tuucingpa in a ngah tei mah bangin, tutphah nip kiu khat le lupna them khat tawh a kibang, Samaria sungah a om Israel mi tawmno khat suakta tei ding hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak dinga, gal sungah na tate si ding uh hi. Na gam kiphelkhamin midang tungah kipia dinga, lawkiteʼ gam sungah nang na si ding hi. Israel mite, galmatin kipaipih ding hi,’ ci hi,” a ci hi.

Amos 9:10

Keima miteʼ sung panin, “I tungah siatna hong tung ngei lo ding hi,” a ci mawhneite khempeuh, gal sungah si ding uh hi.

Hosea 1:4

Tua ciangin Topa in Hosea kiangah, “Na tapaʼ min dingin Jezreel phuak in; bang hang hiam cih leh ama pute Jehu in Jezreel khua ah a mi thahna hangin Israel kumpipa tungah gim ka pia baih dinga, Israel mite tungah Jehuʼ suanlekhakteʼ ukna ka beisak ding hi.