Amos 9:7 - Tedim Bible Revision 2017

⁷ Topa in hih bangin ci hi: Israel mite aw, Ethiopia mite tawh a kibangin note kong bawl a, Egypt gam panin note kong paikhiatpih bangin, Kaftor gam panin Filistia mite ka paikhiatpih a, Kir gam panin Syria mite ka paikhiatpih hi.

Tedim Bible

⁷ Topa in hih bangin ci hi: Israel mite aw, Ethiopia mite tawh a kibangin note ka hong bawl a, Izipt panin note ka hong paikhiatpih bangin, Kaftor gam panin Filistia mite ka paihkhiatpih a, Kir gam panin Siria mite ka paikhiatpih hi.

Amos 9:7 Referans Kwoze

Jeremiah 47:4

Filistia mi khempeuh kisia-in, Taia le Sidon panin huhnate khaktanin, suksiat ding ni hong tung ta hi. Bang hang hiam cih leh Topa keimah in Filistia mite le Kaftor tuipi gei ah a omlaite ka susia ding hi.

2 KUMPI NIHNATE 16:9

Tua ciangin Assiria kumpipa in ama thu ngai hi. Assiria kumpipa zong Damaskas a sim dingin hong kuan to-in tua khua la a, a mite galmatin Kir ah pua a, amah in Rezin a that hi.

Thu-hilhkikna 2:23

Gaza ciang dong khuaneute ah a teeng Avvim mite ahihleh Kaftor pan a hong pai Kaftor mite in susia-in amauʼ munah teeng uh hi.)

Amos 2:10

No ka mihingte, Egypt gam pek panin hong paikhiat pihin, gamlak ah kum sawm li sung kong makaih a, note adingin Amor miteʼ gam kong pia hi.

Amos 1:5

Damaskas khua kulhpi zawlte ka sutan dinga, Aven Kuam a teeng mi khempeuh le Betheden Kuam sungah a om gam ukte khempeuh keimah in ka susia dinga, Syria mite ahihleh Kir gamah salin kipaipih ding hi.

Hosea 12:13

Topa in kamsang khat zangin Egypt panin Israel-te paikhiatpih a, kamsang khatʼ nasepna tawh amaute suakta-in a nungta uh hi.

Jeremiah 13:23

Ethiopia mi vomte in a vun uh khek thei a, kamkei in a gial khek thei ahi hiam? A khek theih uh leh siatna bawl ding a zongsang khin note in zong a hoih na bawl thei ding uh hi.

Isaiah 22:6

Sakol leengte le sakol tung tuangte tawh Elam galkapte in thallawng pua uh a, Kir galkapte in a lumte uh a baih sa-in nei uh hi.

Isaiah 20:4

Assiria kumpipa in, Egypt gam miteʼ maizumna ahi, a moi a hamin, tangguak kheguakin, tawbo dawk sa-in, Egypt mite galin manin, Ethiopia mite salin manin paikhiatpih ding hi.

Paikhiatna 12:51

Tua ni teekteekin Topa in Israel mite a honpi-un Egypt gam panin a paikhiatpih hi.

Isaiah 43:3

Bang hang hiam cih leh kei pen Topa na Pasian, Israel-teʼ Siangtho Pa, nangmah hong honpa ka hi hi. Nangmah tat nadingin Egypt ka pia a, nangmah khek nadingin Ethiopia le Seba ka pia hi.

2 KHANG TANGTHU NIHNATE 14:9

Amaute a sim dingin Ethiopia mi Zerah, galkap awn khat le leeng galkap za thum tawh hong kuan khia a, Mareshah ciang dong hong tung hi.

2 KHANG TANGTHU NIHNATE 14:12

Tua ahih ciangin Topa in Asa le Judah miteʼ mai ah Ethiopia mite zo a, Ethiopia mite tai uh hi.