Amos 9:5 - Tedim Bible Revision 2017

⁵ Vanglian Topa Pasian in leitung a lawn ciangin tui suak a, leitung a om mi khempeuh a kap uh hi. Nail Gunpi bangin leitung buppi khang to-in kiam suk ding hi.

Tedim Bible

⁵ Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.

Amos 9:5 Referans Kwoze

Amos 8:8

Tua ahih manin zin hong liing dinga, leitung a om mi khempeuh a kap ding uh hi. Nail Gunpi bangin leitung khempeuh khang to-in kiam suk ding hi.

Late 46:6

Minamte lungkham uh a, kumpi gamte kiliing hi. Ama aw ging khiasak a, leitung kicim gawp hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

Isaiah 64:1

Nangma langte tungah na min na theihsakna ding le nangma omna ah minamte lau-in a liin nadingin mei in selkeu kuangsakin mei in tui a sosak bangin nangma mai ah mualte a liin nadingin bang hangin na vangliatna tawh vantung bal kekin hong pai suk lo na hi hiam?

Mattiu 7:27

Guah hong zu-in, tui hong khangin, huihpi hong nung a, tua inn a nawk gawp uh ciangin a kisia hi. Tua inn naksiat mahmah hi,” ci-in thu a gen hi.

Habakkuk 3:10

Mual liante in nang hong muh ciangin liing uh a, van panin guah tampi hong zu hi. Leinuai-a om tuite ging zuazua a, tuihualte in a sang pipi ban to hi.

Nahum 1:6

Ama hehna kua in nang zo dinga, ama lunghamna kua in thuak zo ding ahi hiam? A hehna, meikuang bangin hong khah khia a, ama mai ah suangtumpite kitamzan hi.

Hosea 4:3

Tua ahih ciangin leitang keugaw-in a tunga teng khempeuh si dinga, leitung a om gamsa khempeuh le huihlak a leeng vasa khempeuh tawh si mang ding uh a, tuipi sunga om ngasate nangawn si mang ding hi.

Jeremiah 12:4

Ka gam sung bang tanvei keucip ding ahi hiam? Mun khempeuh ah lopate bang tanvei vul cip ding ahi hiam? A teng miteʼ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Late 144:5

Topa aw, na vanpite niamsak inla, hong pai suk in. Mualte lawng inla, meikhu suaksak in.

Late 32:6

Tua ahih ciangin nang hong kimuh theih lai-in mihoih khempeuh, nang tungah thu kingensak in. Tua hileh tuikhang in amaute ban lo ding hi.

Late 97:5

Topaʼ mai, leitung mi khempeuhʼ Topaʼ mai ah mual liante khuainun bangin a tui suak uh hi.

Nahum 1:5

Ama mai ah mual liante liing a, mual neute a tui suak hi. Ama mai ah leitang kicim a, leitung le a tunga om khempeuh a liing uh hi.