Amos 9:2 - Tedim Bible Revision 2017

² Lei to sukin misiteʼ omna Leinuai ah a va tun uh hangin tua lai ah amaute ka su dinga, vantungah a kah toh uh hangin zong, tua lai mahah amaute ka su veve ding hi.

Tedim Bible

² Lei to sukin misite omna Leinuai-ah a va tun uh hangin tua lai-ah amaute ka su ding a, vantungah a kah toh uh hangin zong, tua lai mahah amaute ka su veve ding hi.

Amos 9:2 Referans Kwoze

Jeremiah 51:53

Babylon khua vantungah kah to thei a, a sangpi ah kip takin galdalna a bawl thei ahi zongin, Topa in kong cih in ah, keiʼ kiang panin amah a suan khia ding mi a hong pai teitei ding hi.

Obadiah 1:4

Muvanlai bangin sangpi ah leengin, aksite lakah bu na bawl hangun no kong khia suk veve ding hi, Topa in a ci hi.

Luka 10:18

Jesu in amaute kiangah, “Vantung panin keek kia bangin Satan a kiatna ka mu hi.

Jeremiah 49:16

Na kisaktheihna in nang hong khem a, na ngaihsut bangin mite in nang hong kihta lo hi. Suangkeen dawnah na teeng a, mual sang tungah na teeng hi. Muvanlai bu zahin sangpi-in na ten hangin tua lai mun panin kong la khia suk veve ding hi, Topa in kong ci hi.

Isaiah 2:19

Leitung a liingsak gawp dingin Topa a kipat ciangin amah kihtakna le a lian ama minthanna panin suanghawm sung le leihawm sungah mite bu ding uh hi.

JOB (Job) 26:6

Pasianʼ muhna ah misiteʼ gam kilang sinsen a, a muh theih loh nadingin a liah bangmah om lo hi.

JOB (Job) 20:6

Migilo pa lian mahmah in vantung a ban to zongin, lian mahmah in a lutang in meii lak a ban to zongin,

JOB (Job) 34:22

Gamtat sia mite a buk theih nadingun a seelcip zo ding, khuamial khuazing koi mahah om lo hi.

Ezekiel 26:20

Tanglai-a a si sa mite tawh a teeng khawm dingin misiteʼ khua Leinuai ah kong puak ding hi. Siatna a thuak tawntung leinuai-a omte lakah kong koih dinga, a si sate tawh na om ding hi. A hingte lakah a omkik dingin tua lai panin nong kilehkik nawn kei ding hi.

Ezekiel 31:14

Tua ahih ciangin tu a kipanin singkung khat beek, bangzahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misiteʼ omna Leinuai khua a zuan ding, a si thei mihingte mah bangin singkung khempeuh a si ding ahi ta hi.

JOB (Job) 22:13

Ahi zongin nangmah in, ‘Pasian in bang thei ding ahi hiam? Meii in Pasian tuamcip hi. Eiteʼ thu bangci-in khen thei ding ahi hiam?’ na ci hi.

JOB (Job) 24:23

Pasian in a lungnuamin amah nungtasak a, ahi zongin Pasian in amah encik tawntung hi.