Amos 9:15 - Tedim Bible Revision 2017

¹⁵ Amaute adingin ka piak gam sungah amaute ka koihkik dinga, tua ka piak sa gam panin kuamah in amaute la khiakik nawn lo ding hi, Topa, noteʼ Pasian in ci hi, a ci hi.

Tedim Bible

¹⁵ Amau adingin ka piak gam sungah amaute ka koih kik ding a, tua ka piaksa gam panin kuamah in amaute lakhia kik nawn lo ding hi, Topa, note’ Pasian in ci hi, a ci hi.

Amos 9:15 Referans Kwoze

Jeremiah 24:6

Amaute limtakin ka kem dinga, hih gamah ka lakik ding hi. Amaute ka khangtosak dinga, ka susia kei ding hi; ka suan dinga, ka bot khia kei ding hi.

Ezekiel 37:25

A pu a pate uh a teennasa ahi ka nasem pa Jakob tungah ka piak leitang ah amaute teeng ding uh a, amaute bek hi loin a suan a khak dongun teeng suak ding uh hi. Ka nasem pa David in amaute uk tawntung ding hi.

Ezekiel 34:28

Gamdang mite in hih gawpgawp nawn lo ding uh a, gamsate in thatin ne nawn lo ding uh hi. Amaute lungmuang takin om ding uh a, kuamah in lausak nawn lo ding uh hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

Joel 3:20

A kithat miteʼ phu keimah in ka la dinga, a mawhte ka khah khong kei ding hi. Judah gamah mi teeng tawntung ta dinga, Jerusalem ah a khangkhangin mi om tawntung dinga, Zion Mual ah Topa a teeng ding hi,” a ci hi.

Jeremiah 32:41

Amaute tungah hoihna ka bawl manin ka lungdam dinga, ka lungsim khempeuh tawh thuman takin hih gamah amaute ka phut ding hi.

Micah 4:4

A kuamah peuh lungnuamin a leenggui phung le a theikung nuai ah tu hithiat dinga, kuamah in patausak nawn lo ding hi. Bang hang hiam cih leh Vanglian Topa mahmah in hih thu hong gen khinta hi.

Late 44:2

Nangmah in minam dangte na hawl khia mang a, ahih hangin amauʼ munah ka pu ka pate uh na tengsak hi. Midangte na su gawp a, ahih hangin amaute na suaktasak hi.

Late 80:8

Nangmah in Egypt panin leenggui khat na la a, minam dangte hawl khia-in, tua leenggui na suan hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam salsuahna panin na pu na pate uhʼ luah dingin ka piak sa gamah a pai khawm ding uh hi.

Jeremiah 23:8

‘A hawl khiatna leilu lam gam le gamdangte khempeuh panin Israel miteʼ suanlekhakte kaikhawmin a makaih Topa a nuntak bangin,’ ci-in a kiciam zaw ding uh hi. Tua ciangin amaute amauʼ gam sung mahah a teeng ding uh hi,” a ci hi.

Jeremiah 32:15

Bang hang hiam cih leh Vanglian Topa, Israel miteʼ Pasian in a hong genin ah: Hih gamah innte, lote le leenggah lote mite in a leikik ta ding uh hi,’ ci-in ka gen hi.

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawl khiatna gam khempeuh panin amaute ka kaikhawmkik dinga, hih munah tun pihkikin, lungmuang takin ka omsak ding hi.

Jeremiah 33:7

Judah mite le Israel mite ka hausakkik dinga, a nidang a a omngei bangun ka omsakkik ding hi.

Ezekiel 37:21

amaute kiangah, Topa Pasian in hih bangin ci hi, ci-in gen in: Amauteʼ omna minam dangteʼ lak panin Israel mite la-in ka kaikhawm dinga, amauteʼ gamah ka paipihkik ding hi.

Jeremiah 16:15

Amaute in, ‘Leilu lam gam le eite hong hawl khiatna gam khempeuh panin Israel mite a hong kaikhawm Topa a nuntak bangin,’ a ci zaw ding uh hi. Bang hang hiam cih leh a pu a pate uh ka piak sa, amauʼ neihsa gamah amaute ka paipih ding hi.