Amos 8:9 - Tedim Bible Revision 2017

⁹ Tua ni ciangin sunkim laipi mahin ni ka tumsak dinga, sunkim laipi mahin leitung khempeuh ah khua ka mialsak ding hi. Topa Pasian ahi keimah in hih thu kong gen khin hi.

Tedim Bible

⁹ Tua ni ciangin sun kim laipi mahin ni ka tumsak ding a, sunkim laipi mahin leitungah khua ka mialsak ding hi. Topa Pasian ahi keimah in hih thu kong gen khin hi.

Amos 8:9 Referans Kwoze

Marka 15:33

Tua ciangin sunkim nai sawm le nih laitak a kipanin nai thum sung leitung khempeuh ah khim a zing hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuh ah khim a zing hi.

Luka 23:44

Tua hun laitak pen sunkim nai sawm le nih pawl hi a, ni mial ahih manin nitak lam nai thum ciang dong leitung khempeuh ah khua mial a,

Jeremiah 15:9

Ta sagih a nei nupi khakham vei-in a sibup hi. Sunkim lai hi napi ama adingin khuamial bang a, maizumna le mindaina a thuak hi. No a nungta laite na galte un namsau tawh a hong sat lup dingun kong pia ding hi, Topa in kong ci hi,” a hong ci hi.

Mattiu 24:29

“Tua gimna hun a tun khit phetin ni hong mialin kha hong taang nawn lo dinga, vantung panin aksite hong kia dinga, vantung a om nate a pai ngei-in pai thei loin lampial gawp ding hi.

Micah 3:6

“Keima mite lam khialsak na hih manun mailam thu gen theihna maang na mu nawn kei ding uh a, mailam thu peuhmah na gen thei nawn kei ding uh hi. Kamsangte aw, noteʼ hun bei ta dinga, ni in hong tum san ta ding hi,” ci hi.

Amos 5:8

Van a om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite sam khia a, leitungah tua tui a bua khia pa a min pen Topa ahi hi.

Isaiah 13:10

Bang hang hiam cih leh vantung aksite le amauʼ aksi honpite in khuavak pia khia lo ding hi. Ni a suah tung a kipan mial dinga, kha in zong khuavak taang khiasak lo ding hi.

JOB (Job) 5:14

Sun thapai-in khuamial sung kidenna a, sun tangpi mahin zan bangin mial a zawt uh hi.

Amos 4:13

Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.

Mangmuhna 8:12

A lina vantungmi in a peengkul hong tum a, ni seh thum suah seh khat kisat khia-in, kha zong seh thum suah seh khat mah kisat khia a, aksi zong seh thum suah seh khat mah kisat khia ahih manin a taanna uh seh thum suah seh khat ciat a bei hi. Sunin hun seh thum suah seh khat tang khua vak lo a, zanin zong hun seh thum suah seh khat tang mah kha le aksi taang lo hi.

Mangmuhna 6:12

Ciaptehna gukna a hon ciangin ka khuadak le nakpi takin zin hong liing a, ni pen puan vom bangin hong vomin, kha pen sisan bangin a hong san hi.

Jeremiah 13:16

Topa in khua mialsak a, khua mialna mual tungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

Ezekiel 32:7

Nang kong suksiat ni ciangin vanpi ka khuhcip dinga, aksi ka mialsak ding hi. Ni, meiipi ka liahsak dinga, kha, ka mialsak ding hi.

Zekhariah 14:7

khuamial hun cih zong om lo ding hi. Zan hun nangawnin sun khuavak bek om ding hi. Hih thu a pian ding hun, Topa bek in a thei hi.