Amos 8:8 - Tedim Bible Revision 2017

⁸ Tua ahih manin zin hong liing dinga, leitung a om mi khempeuh a kap ding uh hi. Nail Gunpi bangin leitung khempeuh khang to-in kiam suk ding hi.

Tedim Bible

⁸ Tua ahih manin ziin hong liing ding a, leitunga om mi khempeuh kap ding uh hi. Nail Gunpi bangin leitung khempeuh khang toin kiamsuk ding hi.

Amos 8:8 Referans Kwoze

Amos 9:5

Vanglian Topa Pasian in leitung a lawn ciangin tui suak a, leitung a om mi khempeuh a kap uh hi. Nail Gunpi bangin leitung buppi khang to-in kiam suk ding hi.

Hosea 4:3

Tua ahih ciangin leitang keugaw-in a tunga teng khempeuh si dinga, leitung a om gamsa khempeuh le huihlak a leeng vasa khempeuh tawh si mang ding uh a, tuipi sunga om ngasate nangawn si mang ding hi.

Jeremiah 46:8

Nail gunpi bangin Egypt gam hong khang a, gun tuikhang hong bang hi. Amah in, kei ka khang dinga, leitung khempeuh ka tuam ding hi. Khuapite le a sunga teeng mite ka susia ding hi, a ci hi.

Late 18:7

Ama hehna hangin leitung kipumpei-in kivei a, mual bulpite zong kisingin liing damdam hi.

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vat gawp a, mualte a kiliing hi. Amauteʼ luanghawmte kongzing lampite ah nin bangin a om hi. Hih bang teng hangin zong a hehna dam zo nai loin ama khut kizanlai hi.

Mattiu 24:30

Tua ciangin Mihing Tapaʼ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Amos 8:10

Na lungdam pawite uh dahna ka suaksak dinga, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun pen a tawp dongin nasia semsem ding hi.

Hosea 10:5

Bethaven khua-a bawng no milim a taanna uh hangin Samaria khuapi sunga a teeng mite lau-in liing ding uh a, amaute le tua milim na a sem siampite a thum ding uh hi. A etlawmna teng a maiman ciangin a tau ding uh hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Jeremiah 12:4

Ka gam sung bang tanvei keucip ding ahi hiam? Mun khempeuh ah lopate bang tanvei vul cip ding ahi hiam? A teng miteʼ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Jeremiah 46:7

Nail gunpi bangin a hong khang, gun tuikhang a bang kua ahi hiam?

Jeremiah 51:29

Babylon gam in na sa-in, kitomin a liing hi; bang hang hiam cih leh ama tungah Topaʼ ngimna tangtung a, Babylon gam gam simtham suaksak a, kuamah a tengsak kei hi.

Nahum 1:8

Tuikhang in a suksiat bangin a langte susia gawp a, a galte khempeuh khuamial sungah a nawt khia hi.