Amos 8:4 - Tedim Bible Revision 2017

⁴ Mi cimawhte tuancil gawpin, gam sung mizawngte a susia gawp mite aw, hih thu ngai un:

Tedim Bible

⁴ Mi cimawhte tuancil gawpin, gamsung mi zawngte a susia gawp mite aw, hih thu ngai un.

Amos 8:4 Referans Kwoze

Amos 5:11

Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Paunak 30:14

A ha uh namsau tawh a kibang gam sung mizawngte a ne tum, mi cimawhte a liaktum mi pawl khat om hi.

Late 14:4

Topaʼ tungah thu a ngen lo, annek bangin ka mite a ne tum, siatna a bawlte in thutheihna nei lo ahi hiam?

Late 140:12

Topa in gimna a thuak miteʼ thu a panpihna, mi cimawhte adingin thu a manin a khenna ka thei hi.

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

1 KUMPI MASATE 22:19

Tua ciangin Mikaiah in, “Tua ahih ciangin Topaʼ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

Amos 7:16

Tu-in Topaʼ thugen ngai in. Israel miteʼ lang khat ah thu ka gen ding na hong kho a, Isaacʼ suanlekhakteʼ lang khat ah thu ka gen ding na hong kham hi.

Jeremiah 28:15

Tua ciangin kei zong kamsang Hananiahʼ kiangah, “Na ngai in, Hananiah! Topa in nang hong sawl lohpi, hih mite zuau thu na umsak hi.

Isaiah 28:14

Tua ahih ciangin Jerusalem khua sungah hih mite a uk, a kiphasak no uliante aw, Topa’ thu za un!

Isaiah 1:10

Sodom a uk mangte aw, Topa’ thu na za un! No Gomorrah mite aw, i Pasianʼ hihna na ngai un!

Late 56:1

Pasian aw, mite in kei hong tuancil ahih manin kei hong hehpih in. Sun thapai-in galte in kei hong sucip hi.

JOB (Job) 24:4

Mizawngteʼ ngah theih dingte khaktan uh a, mizawngte not khia ahih manun amaute lau-in a bucip uh hi.

Ezekiel 45:10

“Mi khempeuh in tawisuang man le tehna man zang ding uh hi.

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngteʼ thu a manin na khen kei uh hi.

Micah 2:2

Lo deih le-uh, mi-aʼ sut uh a, inn deih le-uh, mi-aʼ mah sut uh hi. Mite bawlsia-in, a inn le a neihsa uh a sut uh hi.

Late 10:7

Ama kampaute pen hamsia, khemna le netniamna tawh kidim a, siatna le man lohna bekbek thugenin a nei tawntung hi.

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Micah 3:3

Ka miteʼ sa na ne tum uh hi. A vun uh hawkin, a guh uh na satkham uh a, beel a meh huan ding bangin na satnen gawp uh hi.

Zekhariah 5:6

Kei zong, “Bang ahi hiam?” ci-in ka dong hi. Amah in hong dawng a, “Tua pen ciangpi hi a, gam sung khempeuhʼ mawhna lim ahi hi,” hong ci hi.