Amos 8:2 - Tedim Bible Revision 2017

² Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te adingin a bei hun uh tung ta hi. Amaute gim ka piak ding ka khawl nawn kei ding hi.

Tedim Bible

² Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.

Amos 8:2 Referans Kwoze

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israel-te a khialhna uh a kitheih nadingin hih khaukhai tawh ka en hi. Amaute gim ka piak ding ka khiakik nawn kei ding hi.

Kah la 4:18

Galte in hong vil sim uh ahih manin ka vak khia ngam kei uh hi. Ka hun uh a bei ta hi a, a beina hun a tung zo ahi hi.

Micah 7:1

Kei a kamsia hiʼng! Singgah le leenggah a heu hun laitakin a gilkial mipa tawh ka kibang hi. Leenggah nek ding om nawn lo a, ka lung gulhgulh theigah bei ta hi.

Zekhariah 5:2

Vantungmi in, “Bang na mu hiam?” ci-in hong dong a, kei zong, “Laizial a leeng khat ka mu a, a dung pi sawm thum pha-in, a vai pi sawm le pi nga pha hi,” ci-in ka dawng hi.

Ezekiel 12:23

Tua ahih ciangin Topa Pasian ahi keimah in tua thu tawh kisai-in ka thugenna amaute kiangah va gen in. Hih paunak ka beisak ta dinga, Israel mite in genin a nei nawn kei ding uh hi. Tu-in a hun a naina le gen kholhnate a manin a tun nading thu amaute kiangah va gen in.

Ezekiel 8:17

Tua ciangin amah in, “Mihing ahi Ezekiel aw, huate na mu hiam? Hih Judah gam mite in na muh sa a muhdahhuai a gamtatnate uh tawh lungkim nai lo lai uh a, gam sung khempeuh ah ngongtatna dimsak uh hi. Tua banah ka heh semsem nadingin hih bangin gamta uh hi. A sia thei tawpin hih bangin kei hong simmawh bawlna hong thei in.

Ezekiel 8:12

Tua ciangin amah in, “Mihing ahi Ezekiel aw, Israel mite a kimu lo munah a gamtatnate uh tu-in na mu hiam? Amaute in milim a dimna inn sungah biakna a bawl uh hi. Amaute in, ‘Topa in hong mu lo hi. Topa in hih gam nusia khinta hi,’ ci-in paulap zong uh hi,” hong ci hi.

Ezekiel 8:6

Tua ciangin amah in, “Mihing ahi Ezekiel aw, amauteʼ gamtatnate na mu hiam? Israel mite in a bawl uh a muhdahhuai gamtatnate, ka mun siangtho panin a gamla semsem ah kei hong nawh khiatnate en in. Hihte sangin a mindaihuai zaw nangawn na mu lai ding hi,” a hong ci hi.

Ezekiel 7:6

A beina hong tung ta hi. Note a man na hi ta uh hi.

Ezekiel 3:10

Tua khit ciangin amah in thu hong gen thuah lai a, “Mihing ahi Ezekiel aw, nang tungah kong thugen khempeuh limtakin ngai inla ciamteh in.

Ezekiel 3:7

Ahi zongin Israel mite khat beek in na thu hong ngai lo ding uh hi. Keima kam teekteek nangawn ngai lo ding uh hi. Amaute a lungsim uh khauh a, demnopna lungsim nei uh hi.

Jeremiah 40:10

Kei ka hih leh Mizpah khua mahah ka om dinga, ei kiangah hong pai ding Babylon mite kiangah noteʼ tangin ka ding ding hi. No na hih uh leh leenggahzu, khuakhal ante le sathaute khawm unla, na beel sung uh ah koih un. Na lak sa uh khua ciat mahah na teng un,” a ci hi.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 28:4

Tua a kiphasak zukham makaiteʼ minthanna pen tuk tun ma-in a om theipal min tawh kibang dinga, mi khat in tua theigah a muh ciangin lo in a nek pah bangin maimang lel ding hi.

Ezekiel 29:8

Tu-in Topa Pasian in nang kiangah kong genin ah: Namsau tawh mi kong simsak dinga, na mite le na ganhingte that lum mang ding uh hi.

Piancilna 6:13

Pasian in Noahʼ kiangah, “Mi khempeuh beisak ding ka khensat zo hi; bang hang hiam cih leh amauʼ hangin leitungah ngongtatna kidim hi. En in, leitung tawh amaute ka susia khawm ding hi.

Amos 8:1

Topa in hih bangin hong musak hi: Seeng sunga kikoih singgah min ka mu hi.

Hosea 9:7

Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.