Amos 8:12 - Tedim Bible Revision 2017

¹² Mihingte, leilu pan leitaw dong, Topaʼ thu kanin vak kawikawi ding uh a, ahi zongin mu zo lo ding uh hi.

Tedim Bible

¹² Mihingte, leilu pan leitaw dong, nisuahna pan nitumna dong, Topa’ thu kanin vak kawikawi ding uh a, ahi zongin mu zo lo ding uh hi.

Amos 8:12 Referans Kwoze

Mattiu 12:30

Kei hong pawlpih lo peuhmah keima lang hi uh a, kei hong kaihkhop pih lo peuhmah a thehthang ahi uh hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Paunak 14:6

Mi a simmawh theite in pilna a zon uh hangin ngah zo lo uh a, thungaihsun theite in olno takin ngah thei uh hi.

Ezekiel 20:31

Tu ni ciang dongin note in a kipia ngei letsongte mah puakin, tua milimte mah biakna-in na tate uh na hal uh ciangin no le no a kininsak tawm na hi uh hi. Tua bangin na gamtat khit uh ciangin no Israel mite, kei kiangah thu a dong dingin nong pai lai uh hi. Kei pen a nungta Topa Pasian ka hih mah bangin, noteʼ thudotin ka om het kei taktak ding hi.

Ezekiel 20:3

“Mihing ahi Ezekiel aw, Topa Pasian ahi keimah in amaute tungah ka gen, ‘Kei tungah thu a dong dingin hong pai na hi uh hiam? Kei pen a nungta Topa Pasian ka hih mah bangin noteʼ thudotin ka om het kei ding hi, ci-in gen in,’ hong ci hi.

1 SAMUEL MASA 3:1

Tu-in Eliʼ khutnuai ah naupang Samuel in Topaʼ na sem hi. Tua hun lai-in Topa in thu gen mun lo a, maang mu om mun lo hi.

Paunak 29:18

Pasianʼ lamlahna a kizuih lohna gamah gam sung mite pheng tat gawp uh hi. Pasianʼ thukham a zui mite ahihleh a lungdam uh hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koi mahah nong mu kei ding uh hi.

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.