Amos 7:9 - Tedim Bible Revision 2017

⁹ Isaacʼ suanlekhakteʼ biakna munte kinusiacipin, Israel miteʼ siangtho munte kisusia dinga, Kumpi Jeroboamʼ innkuante a sim gawp dingin gal ka kuansak ding hi,” a hong ci hi.

Tedim Bible

⁹ Isaak’ suan leh khakte’ biakna munte kinusia cipin, Israel mite’ siangtho munte kisusia ding a, Kumpi Jeroboam’ innkuante a do dingin gal ka kuansak ding hi,” hong ci hi.

Amos 7:9 Referans Kwoze

Piancilna 46:1

Tua ahih ciangin Israel, a neih khempeuh tawh a khualzin kipanin Beer-sheba tunga, a pa Isaacʼ Pasian tungah biakpiakna a bawl hi.

Amos 8:14

Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beer-sheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Amos 5:5

A bia dingin Beer-sheba ah pai kei un. Bethel ah kei hong zong kei un; a mawkna suak ding hi. Gilgal ah zong lut kei un; Gilgal mite, sal a suak ding hi lel hi.

Amos 3:14

Amauʼ khialhna hangin Israel gim ka piak ni ciangin, Bethel a biakna taute zong ka susia dinga, biakna tau kite kitanin leilak ah kia ding hi.

Hosea 10:8

Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.

Isaiah 63:18

Nangma mi siangthote in tawl khat sung bek na biakinn nei a, ko hong langpangte in tua na biakinn pen tuancil gawp khinta hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Min siatna in ka maitang uh hong tuam khin hi. Bang hang hiam cih leh Topaʼ biakinn siangtho gamdang mite in a hong laksak uh hi,’ na ci uh hi.

Amos 7:11

Amah in hih bangin thu gen a, ‘Gal sungah Jeroboam si dinga, Israel mite amauʼ gam panin salin kipaikhiat pih ding hi,’ ci hi,” ci-in a khia hi.

Amos 7:13

Hih lai pen kumpipaʼ biakinn mun, minam bup biakinn mun ahih manin Bethel ah thu hong gen nawn kei in,” a ci hi.

Micah 1:5

Pasianʼ tungah Israel-teʼ mawhna le a khialhnate uh hangin hih thute khempeuh a piang ahi hi. Israel-teʼ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.

2 KUMPI NIHNATE 14:24

Topaʼ muhna ah amah a sia gamta hi. Israel a khialhsakna, Nebatʼ tapa Jeroboamʼ khialhnate khempeuh panin amah kihem khia lo hi.

Ezekiel 6:3

Topa Pasian ahi keimah in mual liante, mual neute, guam thukte, kuampite kiangah ka gen ding thute, Israel minamte in a ngaihna ding uh gen in. Mite in milim a biakna munte a vat gawp dingin namsau khat kong kuansak ding hi.

Amos 9:1

Biakna tau gei ah Topa a ding ka mu a, hih bangin thu hong pia hi: “Biakinn bulpi khempeuh a kilin theih nadingin biakinn khuampi luzang nakpi takin sat gawp in. Tuate satkham inla, miteʼ luzang tusak in. Tua lai panin a suakta teng gal sungah ka sisak ding hi. A tai khia, a suakta, kuamah om lo ding hi.