Amos 6:8 - Tedim Bible Revision 2017

⁸ Topa Pasian thupi takin kiciam khin a, Topa, Vanglian Pasian in hih bangin ci hi: Israel-teʼ kiphatsakna ka hua a, a mun muanhuaite uh ka mu nuam kei hi. Tua ahih manin a khuapi le a sunga a om teng, galteʼ khut sungah ka pia ding hi.

Tedim Bible

⁸ Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Amos 6:8 Referans Kwoze

Amos 4:2

Topa Pasian a siangtho ahih mah bangin, amah in kamciamna khat bawl khin a, “Amaute in sikkawi tawh note hong kaihkhiat hun ding, ni khat ni ciangin hong tung taktak dinga, note khempeuh sikkawi ah a awk ngasa na bang ding uh hi.

Jeremiah 51:14

Vanglian Topa in, ‘Kauphe zahin a tam mite kong simsak dinga, amaute in note hong zo-in a kiko ding uh hi,’ ci-in keima min tawh ka kiciam khinzo hi.

Amos 8:7

Topa, Israel Pasian kiciam a, “Na gamtat siatnate uh ka mangngilh ngei kei ding hi.

Late 47:4

Ama it Israel-teʼ angtan pih eima luah ding leitang amah in hong teelsak hi.

Amos 3:11

Tua ahih ciangin galte in a gam uh umcihin, a panmun muanhuai teng uh susia gawp dinga, a inn lianpipite uh luh gawp ding uh hi, Topa in ci hi.

Jeremiah 22:5

Ahih hangin note in hih thute na zuih kei uh leh keimah Topa in kong genin ah, hih inn gamlak a suaksak dingin ka kiciam hi.

Late 106:40

Tua ciangin ama mite tungah Topaʼ hehna hong kitawhkuang a, amah in ama luah minamte a kih hi.

Zekhariah 11:8

Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Ezekiel 24:21

Israel mite kiangah hih bangin thu gen in hong ci hi. Ama cihna ah: Note in na kisaktheih pih uh, a sungah paipai-in na etet nop uh ka biakinn pen a ninsak ding ka hi hi. Tua ciangin noteʼ nungah a om lai na tate uh, namsau-in si ding uh hi, ci hi.

Kah la 2:5

Topa in galte bangin Israel-te a susia hi. Amah in kulhpite le a kumpi innte a siasa-in a nusia hi. Amah in a bei thei lo dahna Judah gam sungah a tungsak hi.

Late 78:59

Pasian in a zak ciangin heh pha mahmah a, amah in Israel-te a nial siangtho hi.

Late 50:12

“Ka gil kial taleh zong note kiang panin an kong ngen kei ding hi; bang hang hiam cih leh leitung le a sunga om khempeuh keima-aʼ ahi hi.

Thu-hilhkikna 32:19

“Topa in tua thu thei a, a tapate le a tanute in amah hehsak uh ahih manin tua ama tate a nolh hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, noteʼ milimʼ siluang hawmte tungah na luanghawmte uh ka pai dinga, keimah in note kong kih ding hi.

Siampi Laibu 26:11

Keimah in note lakah omna ka bawl dinga, keimah in note kong kih kei ding hi.

Piancilna 22:16

“Kei mahmah ka kiciam hi, Topa in ci hi. Bang hang hiam cih leh nang in hih thu na bawl khin a, na tapa neihsun na humcip kei hi.

Jeremiah 12:8

Ka luah dingin ka teel sa mite in gamlak a humpinelkai bangin keiʼ lang khat ah pangin hong hawk san uh ahih manin amaute ka mudah hi.

Jeremiah 44:26

Ahih hangin Egypt gamah a om no Judah mite aw, Topaʼ thugenna hong ngai un. En un, Topa in kong cih in ah, Egypt gamah a om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khinzo hi.

Jeremiah 49:13

Bang hang hiam cih leh Topa in kong cih in ah, Bozrah khua pen miteʼ lipkhap ding, zahpih ding, nusiat ding le kihamsiatna-in a zat ding uh a suak ding hi,” a ci hi.

Hosea 11:6

Galte in a khuapi sung uh luhin, a khuapi kulh kongpi zawlte uh suktansak ding hi. Ka mite in thu hoih lo zui kha uh ahih manin gal in susia mang ding hi.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, miʼ na a suh uh vante tawh a inn lianpipite uh kidimsak uh hi.

Amos 5:21

Na biakna pawite uh mudahin ka deih kei a, na biak kikhopnate uh ah ka lung a kim kei hi.

Amos 8:3

Tua ni ciangin kumpi inn ah lungdam lasakna awgingte, kahna awging suak ding hi. Mun khempeuh ah misi dim dinga, mun citeng ah kipaithangin gamdai ding hi,” Topa in ci hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtat sia le thuzuau ka mudah hi.

Isaiah 28:1

Israel Kumpi gam in siatna a thuak ding hi ta hi. Zu a kham, a gam makaiteʼ lu tungah a om pak tawh a kibawl Kumpi lukhu bangin a minthanna maimang ta hi. A lutang uh paknamtui kinuh napi-in zukhamin tuk mangkhin uh hi.

Jeremiah 22:14

“Inndei tungnung zapi a awng inn gol khat ka lam ding hi,” ci-in tawlet vangte bawl a, taamtak singpeek tawh thuap sawm a, za san a zut mi in gimna thuak tahen.