Amos 6:5 - Tedim Bible Revision 2017

⁵ David bangin la phuah nuam na sa uh a, lasaknate na tum nuam uh hi.

Tedim Bible

⁵ David bangin la phuah nuam na sa uh a, la saknate na tum nuam uh hi.

Amos 6:5 Referans Kwoze

Isaiah 5:12

Amaute in a pawi sung uh ah laiza lasakna le harp lasakna, khuang, tamngai le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Amos 5:23

La sa-in na gamlumnate uh khawl un; na lasakna uh a gingte ka za nuam kei hi.

Amos 8:3

Tua ni ciangin kumpi inn ah lungdam lasakna awgingte, kahna awging suak ding hi. Mun khempeuh ah misi dim dinga, mun citeng ah kipaithangin gamdai ding hi,” Topa in ci hi.

Mangmuhna 18:22

Harp lasakna a ging le la sateʼ awging, tamngai le peengkul awgingte, nang sungah kiza nawn lo ding hi. Nasem a tuamtuamte nang sungah kimu nawn lo dinga, an gawina a ging zong kiza nawn lo ding hi.

1 PETER MASA 4:3

A beisa hunah dawi biateʼ gamtat bangin a hoih khop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

Thuhilh-sia 2:8

Ka zawh sa kumpiteʼ sumkholna panin keima adingin ngun le kham zong ka la hi. Ka lungnop nadingin la a sa ding lasiam numei le pasal tampi ka nei a, ka deih zahzah zong ka nei zo hi.

1 KHANG TANGTHU MASATE 23:5

tul li kongcingte le tul li in phat nadinga ka bawl sa lasaknate tawh Topa tungah phatna pia ding uh hi,” a ci hi.

1 KHANG TANGTHU MASATE 15:16

Lungdamna aw ginsak nadingin lasakna nate, harp lasakna le laiza lasaknate le a daltuahte nakpi takin tumin la a sa dingin Levi ukpite in a mipihte uh a seh nading David in thu a pia hi.

Piancilna 31:27

Bang hangin tai simin kei hong khem a, hong gen lo na hi hiam? Tua ci gamtat kei lecin, lungdamna le lasakna, khuang le laiza tawh kong kha ding hi.

Ezekiel 26:13

Khuapi sungah lasakna awging ka beisak dinga, tum theih awgingte khempeuh zong kiza nawn lo ding hi.

2 KHANG TANGTHU NIHNATE 29:26

Davidʼ lasaknate tawh Levi mite ding uh a, peengkulte tawh siampite ding uh hi.