Amos 6:3 - Tedim Bible Revision 2017

³ Noteʼ tungah siatna hong tun ni ding, a kipelh theih nading na hanciam uh a, ahi zongin tua bang na hihnate un, siatna khangsak semsem zawsop hi.

Tedim Bible

³ Note tungah siatna hong tun’ ni ding, a kipelh theih nading na hanciam uh a, ahi zongin tua bang na hihnate un, siatna khangsak semsem zawsop hi.

Amos 6:3 Referans Kwoze

Amos 9:10

Keima miteʼ sung panin, “I tungah siatna hong tung ngei lo ding hi,” a ci mawhneite khempeuh, gal sungah si ding uh hi.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

Ezekiel 12:27

“Mihing ahi Ezekiel aw, na maangmuhnate le na thugen kholhnate pen mailam hun saupi ciangin a hong piang pan dingin Israel mite in ngaihsun kha uh hi.

2 PETER NIHNA 3:4

“Amah a hong paikik nading a thuciamna a bangci ahi hiam? I pu i pate zong si khinta uh a, leitung piancil a kipanin tu dong na khempeuh a kibang mahin omom lai hi,” hong ci ding uh hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Mattiu 24:48

Ahi zongin tua nasem pa nasem hoih lo hi henla, a lungsim sungah, ‘Ka topa hong ciah hak ding hi,’ ci-in,

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, miʼ na a suh uh vante tawh a inn lianpipite uh kidimsak uh hi.

Ezekiel 12:22

“Mihing ahi Ezekiel aw, bang hangin, ‘Hun beibei a, gen kholhnate a tung om lo hi,’ cih paunak pen Israel miteʼ lakah zat belin kinei ahi hiam?

Mangmuhna 18:17

Nai khat sungin a hauhna khempeuh maimang ta!” a ci uh hi. Teembaw ukte le a tungah a tuangte, teembaw hawlte le tuipi tungah nuntakna a zongte a gamlapi ah ding uh a,

Amos 6:12

Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hi napi-in note in thutang pen gu na suaksak uh a, thuman pen a khial na suaksak uh hi.

Amos 5:18

Topaʼ ni hong tun ding a ngaklah note adingin bangzah takin lauhuai ding ahi hiam? Note adingin tua ni a hoihna hong om ding ahi hiam? Tua ni pen lungzin ni hi a, lungtaii ni hi lo hi.

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngteʼ thu a manin na khen kei uh hi.

Isaiah 47:7

Nangmah in, “Tonu ka hi tawntung ding hi,” ci na hih manin hih thute na lungsimah koih loin, a thumongte zong na phawk kha kei hi.

Thuhilh-sia 8:11

A mawhte gim kipia pahpah lo ahih manin mihingte in khialh ding haksa sa lo uh hi.

Late 94:20

Sih nading ngeina a bawl, a gilo gam ukte, nang tawh kipawl ding ahi hiam?

Kah la 4:5

An lim pen a ne ngeite kongzing lakah puksi uh a, nuamsa-in a khang khia mite in nin buakna lak thai-in an a zong uh hi.

Ezekiel 23:42

Lungnuamin a om mihonteʼ gamlumna kiza a, gamlak panin mihon mawkmawk pawl khat zong hong kitun pih hi. Amaute in tua numeiteʼ khut ah tau butsak uh a, a lu tung uh ah kumpi lukhu hoihte khusak uh hi.

Micah 6:12

Na mihaute uh mizawngte tungah tatsia mahmah in, na khua sung mi khempeuh uh zuaugen vive ahi uh a, a kam un khemna thu bekbek gen hi.

Amos 3:9

Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.