Amos 5:8 - Tedim Bible Revision 2017

⁸ Van a om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite sam khia a, leitungah tua tui a bua khia pa a min pen Topa ahi hi.

Tedim Bible

⁸ Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Amos 5:8 Referans Kwoze

Amos 4:13

Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.

JOB (Job) 9:9

Amah pen van a a om Khawlei-uikai, Zawlzawng, Seguk le Khanglam aksite a bawlpa ahi hi.

Amos 9:6

Topa in vantungah a inn deite bawl a, van kuumpi tawh leitung a khuh suk hi. Amah in tuipi panin tuite sam khia a, leitung khempeuh ah tua tuite a sung hi. Hih bangin a bawlpaʼ min pen Topa ahi hi.

Amos 8:9

Tua ni ciangin sunkim laipi mahin ni ka tumsak dinga, sunkim laipi mahin leitung khempeuh ah khua ka mialsak ding hi. Topa Pasian ahi keimah in hih thu kong gen khin hi.

Late 104:20

Nangmah in khuamial na bawl a, gamlak ganhing khempeuh a vak khiat hun pen zan hunsung ahi hi.

Late 105:28

Amah in khuamial sawl a, leitung khim a zingsak hi. Ahih hangin Egypt mite in ama thu a langpang uh hi.

JOB (Job) 12:22

Amah in khuamial sung panin thuthukte kal khia a, a kithei zo lo thute kitelsak hi.

Luka 1:79

sih ding lauhuaina sungah a om mi khempeuh tungah vantung khuavak hong taangsak dinga, nopsakna lampi ah hong kha ding hi,” a ci hi.

Mattiu 4:16

Khuamial sunga a teeng mite in khuavak lianpi mu ding uh hi. Sihna gam khuamial sungah a teeng mite tungah khuavak hong taang ding hi,” ci hi.

Isaiah 59:10

Mittaw bangin kawm i zawt a, mit nei lote bangin i mai hi. Sun tang laipi mahin khuamial lak bangin i tuk a, a hat mite lakah misi tawh i kibang hi.

Isaiah 42:16

“Amauʼ theih loh lampi ah mittawte ka paipih dinga, amauʼ theih ngei loh sul zuih pihin ka kha ding hi. Amauʼ mai ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

JOB (Job) 38:34

“Van a om meiite in guah hong zuksak nading nangmah in sawl na hi hiam?

JOB (Job) 37:13

Pasian in mihingte gim a piak nading ahi a, pahtakna a lah nading ahi zongin, leitungah tu-a bangin a piangsak hi.

Jeremiah 16:21

“Tua ahih manin amaute ka hilh ding hi. Tu tung peuhmah in Topa ka hihna thu a hong theih nadingun ka vangliatna le ka hatna ka theisak ding hi,” ci-in Topa in a gen hi.

Jeremiah 33:2

“Leitung bawlin a kipsak Topa, a min Topa a kici Topa in kong genin ah: