Amos 5:2 - Tedim Bible Revision 2017

² Nungak Israel puk khin a, thokik ngei nawn lo ding hi. Leilak ah lum dildel a, a phong to ding kuamah om lo hi.

Tedim Bible

² Israel puk khin a, thokik ngei nawn lo ding hi. Lei lakah lum dildel a, a phongto ding kuamah om lo hi.

Amos 5:2 Referans Kwoze

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang henla, kang ngei kei tahen. Bang hang hiam cih leh keima mite in nakpi takin liamna thuak uh a, nakpi takin a kisat uh hi.

Amos 9:11

Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Amos 8:14

Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beer-sheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Hosea 6:2

Ni nih sungin eite hong thahatsak dinga, ni thum sungin i ngei hong bangsak ding hi. Tua ciangin amah tawh i kikhawl ding hi.

Kah la 2:13

Ka it Jerusalem khuapi aw, bangci ding ka hi hiam? Hong bangci hehnep ding ka hi hiam? Nang thuak bangin a thuak kuamah om lo hi. Na tuahsiatna tuipi cia pha a, a lamethuai bangmah om nawn lo hi.

Jeremiah 51:64

‘Babylon khuapiʼ gitlohna hangin a tungah gimna ka tungsak dinga, tu-a bangin Babylon khuapi zong tum sukin a hong dawkkik to nawn kei ding hi,’ ci-in gen in,” ka ci hi. Jeremiahʼ thugenna tu-a ciang ahi hi.

Jeremiah 50:32

A kisathei gam hoi-in tuk dinga, kuamah in a phong to kei ding hi. A khuapite mei tawh ka hal dinga, a kiim a om khempeuh a kaang tum ding hi.

Jeremiah 31:4

Aw, nungak siangtho Israel aw, nang kong bawl phakik ding hi. Na khuangte na mankik dinga, a gualnuamteʼ lamna ah na va kihel ding hi.

Jeremiah 18:13

“Tua ahih manin Topa in kong cih in ah: Minam dangteʼ lakah hih bang thu a kiza ngei hiam, dong dih un. Keima mituam Israel in a mulkimhuai mahmah na khat a hih zo hi.

Jeremiah 4:20

Siatna khat khit ciangin a dang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikek gawp hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Isaiah 37:22

amah tawh kisai-in Topa’ thugen hih bang ahi hi: ‘Sennakherib aw, Jerusalem mite in nang hong simmawhin hong zahko uh hi. Jerusalem mite in na nungah a lu hong pei san lel uh hi.

Isaiah 24:20

Leitung pumpi zukham bangin hoi dinga, huihpiʼ mut gawp buk bangin awn ding hi. Ama mawhnate in nengcip gawp dinga, amah pukin thokik zo ngei nawn lo ding hi.

Isaiah 14:21

Amaute khangto loin leitung a neih loh nading le leitung maitang teng khuapite tawh a kidimsak loh nadingin amauʼ pateʼ mawhna hangin a tateʼ kithah nading piang tahen,” na ci ding uh hi.

Isaiah 3:8

Bang hang hiam cih leh amaute khempeuh le amauʼ gamtatnate in Topa langpangin amah dem uh ahih manin Jerusalem khua kipukin Judah gam kia hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau adingin a kisung bawng no lim nih bawl uh hi. Amaute in Asherah milim khat bawl uh a, vantung a om nate khempeuh bia-in Baal milim na sem uh hi.

2 KUMPI NIHNATE 15:29

Israel kumpi Pekahʼ hun laitakin Assiria kumpi Tiglath-pileser hong pai-in Ijon, Abelbeth-maakah, Janoah, Kedesh, Hazor, Gilead le Galilee le Naftali gam khempeuh la a, amah in galmatin mite Assiria ah a ciahpih hi.

Jeremiah 8:4

“Jeremiah aw, Topa in hih bangin gen hi, ci-in amaute kiangah va gen in. Mi khat a puk ciangin thokik buang hi lo ahi hiam? Mi khat in lam a khialh ciangin hong kilehkik buang hi lo ahi hiam?

Jeremiah 9:9

Hih thute hangin gim pia lo ding ka hi hiam, Topa in kong ci hi. Hih bang minam khat tungah ka phu la lo ding ka hi hiam?

Jeremiah 9:21

Bang hang hiam cih leh tawlet vang panin sihna hong lut a, kumpipaʼ inn sungah zong sihna hong lut hi. Kongzing a naupangte vat mang a, sumbuk a tangvalte vatlum hi.