Amos 5:11 - Tedim Bible Revision 2017

¹¹ Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Tedim Bible

¹¹ Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Amos 5:11 Referans Kwoze

Zefaniah 1:13

Amauʼ neihsa khempeuh kisut dinga, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Micah 6:15

Khai na tuh uh hangin an na la kei ding uh hi. Oliv gah na cil uh hangin a thau na zang kha kei ding uh a, leenggah na cil uh hangin a zu na dawn kha kei ding uh hi.

Thu-hilhkikna 28:30

“Zi dingin lawm khat na dong ding uh a, midang khat in na luppih ding hi. Inn na lam ding uh a, tua sungah na teeng kei ding uh hi. Leenggui lo na zuan ding uh a, a gah na ne kha kei ding uh hi.

Jeim 2:6

note in mizawngte na simmawh bawl uh hi. Note hong bawlsia-in thukhen zum hong tun pahpahte, mihaute hizaw uh hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Micah 2:2

Lo deih le-uh, mi-aʼ sut uh a, inn deih le-uh, mi-aʼ mah sut uh hi. Mite bawlsia-in, a inn le a neihsa uh a sut uh hi.

Amos 3:15

Keimah in phalbi le khuakhal innte ka susia dinga, saiha tawh a kibawl inn hoihte zong kisia-in, inn lian khempeuh bei mang ding hi, Topa in ci hi.

Isaiah 16:10

An tampi a pian ngeina lo lai ah lungdamna le nuamna om nawn lo hi. Leenggui lote ah lasakna om lo a, lungdam a kikona om nawn lo hi. Leenggah cilna ah kuamah in leengtui suk nawn lo a, leenggah lawh cianga kikona aw kidaisak ta hi.

Ezekiel 26:12

Noteʼ neihsa na hoih khempeuh, na galte un a ututin zang ding uh hi. Kulhte su pai-in inn hoih pipite sat thang gawp ding uh hi. Inn-a kizang sing le suang le na khempeuh la-in tuipi sung den nading uh hi.

Amos 2:6

Topa in hih bangin ci hi: Israel mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in leiba a loh zawh loh man bekun midik kimlai zuak uh a, khedap bu khat man a loh zawh loh man bekun mi cimawhte sila-in a zuak uh hi.

Amos 3:9

Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 6:11

Topa in thu a piak ciangin inn liante kisatzanin inn neute kisat nen ding hi.

Amos 6:12

Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hi napi-in note in thutang pen gu na suaksak uh a, thuman pen a khial na suaksak uh hi.

Amos 8:4

Mi cimawhte tuancil gawpin, gam sung mizawngte a susia gawp mite aw, hih thu ngai un:

Micah 1:6

Tua ahih ciangin Topa in hih bangin ci hi: Samaria khuapi, gamlak a ninkholna mun, leenggui suanna mun lel dingin ka bawl ding hi. A khua sunga suangte zong guam sungah ka nil suk dinga, a khuapi bulpite ka dawksak ding hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Siampi Laibu 26:16

keimah in note tungah hih bangin kong hih ding hi: Noteʼ tungah hong tung dingin keimah in thakhat thu a dipkuatna, zawngkhalna le mite siasakin nuntakna a kiamsak ding cisa natna kong tungsak ding hi. Noteʼ lo pawi zong a mawkna hi ding hi; bang hang hiam cih leh na galte un tuate ne ding hi.

JOB (Job) 20:19

Bang hang hiam cih leh amah in mizawngte bawlsia-in don lo a, midangteʼ inn lam sate sutin a tang hi.

Ezekiel 34:21

Note in a cidam lote na ki uh tawh si gawpin, a hon lak panin na nawt khia uh hi.

Hosea 9:2

Ahi zongin tua ante, oliv thaute le leenggahzute na kham takun na ne kha kei ding uh hi.

Amos 2:7

Amaute in mizawngteʼ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.

Amos 9:14

Ka mi Israel-te, amauʼ gam ka tunkik dinga, a kisia a khuapite uh hoihtakin lamphakikin a sungah a teeng ding uh hi. Amaute in leenggui suanin, huan bawlin, a sunga piangte a ne ding uh hi.