Amos 4:3 - Tedim Bible Revision 2017

³ Na omna uh tawh a kinai pen kulh vang tawnin, ganhing si sa kaihkhiat bangin hong kikai khia dinga, ninlom lakah hong kilawn khia ding hi,” Topa in ci hi.

Tedim Bible

³ Na omna uh tawh a kinaipen kulh vang tawnin, ganhing sisa kaihkhiat bangin hong kikai khia ding a, ninlom lakah hong kilawn khia ding hi,” Topa in ci hi.

Amos 4:3 Referans Kwoze

Ezekiel 12:5

Tua bangin amaute in hong et laitakin na kawm su let inla, tua vang panin na van la khia in.

Ezekiel 12:12

Amaute a uk ulian pa in khuamial lakah a liangko-in ama van pua-in paikhia ding hi. Ama paikhiat nadingin amaute in kulh tawhvang sakin tua panin amah suakta ding hi. Amah in a mai humcip ding ahih manin a pai nading mun mu thei lo ding hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Isaiah 31:7

Bang hang hiam cih leh a kuamah peuh in no adingin na bawl sa uh, mawhna ahi na ngun milimte uh na paihkhiat hun uh hong tung ding hi.

Isaiah 2:20

Amah pen leitung a liingsak gawp dingin a hong kipat hun ciangin Topa kihtakna le a lian ama minthanna vang panin suanghawmpite sung le keenhawmte sungah a buk theih nadingun amauʼ bawl tawm ngun le kham milimte, buite le bakte a paih ding uh hi.

2 KUMPI NIHNATE 25:4

Tua ciangin khuapi kulh su let uh hi. Khaldea mite khuapi kiimah a om pi mahin, kumpipaʼ huan kiang lam kulhpi nih kikal kulh kongpi lampi zui-in kumpipa le a galhang mi khempeuh zanin a tai uh hi. Arabah lam manawhin amaute pai uh hi.

2 KUMPI NIHNATE 7:15

Tua ahih ciangin amaute Jordan ciang dong va pai uh hi. Syria-te in nawhsa-in a paihkhiat uh puante le nate tawh lamdung khempeuh pak zeizai hi. Tua ciangin kamtaite hong kikin kumpipa kiangah a gen uh hi.

Thukhente 5:17

Jordan gal khat ah Gilead om hi. Dan minamte bang hangin teembaw tawh om ahi hiam? Asher minamte, tuipi gei ah tu lai a, leilak a tunna gei ah a teeng uh hi.

Jeremiah 52:7

Tua ciangin khua kulhpi kiphu let a, khuapi kimkot ah Khaldea mite om napi-in, zan laitakin kumpipaʼ huan gei-a kulh tegel kikal a kongpi tawnin galkapte tai khia sim uh a, Arabah gam lam a manawh uh hi.

Amos 6:7

Tua ahih ciangin note pen salin a pai masa pente na hi ding uh a, na nopsakna teng uh a bei ta ding ahi hi.