Amos 4:2 - Tedim Bible Revision 2017

² Topa Pasian a siangtho ahih mah bangin, amah in kamciamna khat bawl khin a, “Amaute in sikkawi tawh note hong kaihkhiat hun ding, ni khat ni ciangin hong tung taktak dinga, note khempeuh sikkawi ah a awk ngasa na bang ding uh hi.

Tedim Bible

² Topa Pasian a siangtho ahih mah bangin, amah in kamciamna khat bawl khin a, “Amaute in sikkawi tawh note hong kaihkhiat hun ding, ni khat ni ciangin hong tung taktak ding a, note khempeuh sikkawi-a awk ngasa na bang ding uh hi.

Amos 4:2 Referans Kwoze

Jeremiah 16:16

“En un, Topa in kong cih in ah, ngabeng tampi ka khah dinga, amaute ka mansak ding hi. Tua khit ciangin sabeng tampi ka khah dinga, amaute in mual tung khempeuh le suanghawmte lakah amaute a beng ding uh hi.

Late 89:35

“A tawntung a kimang dingin ka sianthona tawh khatvei ka kiciam khin a, Davidʼ tungah ka zuau kei ding hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-teʼ kiphatsakna ka hua a, a mun muanhuaite uh ka mu nuam kei hi. Tua ahih manin a khuapi le a sunga a om teng, galteʼ khut sungah ka pia ding hi.

Isaiah 37:29

Keima tungah nang hehin, na kiphatsakna thu keima tungah a thu hong tung ahih manin, na nak ah sikkawi bulhin, na kam ah kamkaih hong bulhin, nong kuanna lampi lam mahah nang kong ciahkiksak ding hi,’ ci hi.

Ezekiel 29:4

Na khaguh ah sikkawi ka bulh dinga, na gun sunga om ngasa khempeuh nangma tungah ka belhsak ding hi. Tua ciangin nangma tungah a belh ngasa khempeuh tawh Nail gun sung panin nang kong kai khia ding hi.

Ezekiel 38:4

Nang hong lehhei-in, na khaguh ah sikkawi kong bulh dinga, na galkap honpite khempeuh tawh kong kai khia ding hi. Na galkap honpite pen a sakolte uh le a sakol tung tuangte uh tawh tam mahmah a, na galkap khempeuh in lum le namsau nei kim uh hi.

Amos 8:7

Topa, Israel Pasian kiciam a, “Na gamtat siatnate uh ka mangngilh ngei kei ding hi.

Late 89:36

Ama suanlekhakte kizom paisuak dinga, van a ni a taan lai teng a kumpi gam ka kipsak ding hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.